༄༅།།ཟླ་བ་དང་པོ་ནས་ལྔ་པའི་བར་ཞབས་ཞུའི་ཕྱིར་གཏོང་ནང་འདྲེན་གྱི་དངུལ་འབོར་7.7%འཕར་བ།

     འདི་ག་ཚགས་པར་ཁང་དུ་པེ་ཅིང་ནས་ཟླ་7ཚེས་7ཉིན་གློག་འཕྲིན་འབྱོར་གསལ། ཉེ་ཆར་གསར་འགོད་པར་ཚོང་དོན་པུའུ་ནས་ཤེས་རྟོགས་བྱུང་བར། འདི་ལོའི་ཟླ་བ་དང་པོ་ནས་ལྔ་པའི་བར། རང་རྒྱལ་གྱི་ཞབས་ཞུའི་ཚོང་དོན་བརྟན་པོའི་ངང་འཕར་ཞིང་། ཞབས་ཞུའི་ཕྱིར་གཏོང་ནང་འདྲེན་གྱི་དངུལ་འབོར་སྒོར་དུང་ཕྱུར་32543.6ཟིན་ཏེ་དུས་མཚུངས་ལས་7.7%འཕར་ཡོད། དེའི་ནང་ཕྱིར་གཏོང་བྱེད་ཚད་སྒོར་དུང་ཕྱུར་14033.7ཟིན་ཏེ་15.1%འཕར་བ་དང་ནང་འདྲེན་བྱེད་ཚད་སྒོར་དུང་ཕྱུར་18509.9ཟིན་ནས་2.7%འཕར་ཡོད།

    ཤེས་བྱ་འདུས་ཆེ་བའི་ཞབས་ཞུའི་ཚོང་དོན་འཕར་རྒྱུ་རྒྱུན་འཁྱོངས་ཐུབ་ཅིང་། ཟླ་བ་དང་པོ་ནས་ལྔ་པའི་བར། ཤེས་བྱ་འདུས་ཆེ་བའི་ཞབས་ཞུའི་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་12492.7ཟིན་ཏེ་5.0%འཕར་ཡོད། དེའི་ནང་ཤེས་བྱ་འདུས་ཆེ་བའི་ཞབས་ཞུ་ཕྱིར་གཏོང་བྱེད་ཚད་སྒོར་དུང་ཕྱུར་7196.5ཟིན་ཏེ་6.6%འཕར་ཡོད། ཤེས་བྱ་འདུས་ཆེ་བའི་ཞབས་ཞུ་ནང་འདྲེན་བྱེད་ཚད་སྒོར་དུང་ཕྱུར་5296.2ཟིན་ནས་2.9%འཕར་ཡོད། གཏོང་མང་ཡོང་ཉུང་གི་ཧེ་བག་སྒོར་དུང་ཕྱུར་1900.3ཟིན་ཏེ་ལོ་གོང་མའི་དུས་མཚུངས་ལས་སྒོར་དུང་ཕྱུར་293མང་དུ་ཕྱིན་ཡོད།