མི་དམངས་དྲ་བ།

༄༅།།ལྷ་སར་ནང་མ་སྟོད་གཞས་ཀྱི་འགྲན་བསྡུར་ཆེན་མོ་སྤེལ་བ།

གསར་འགྱུར་སྤེལ་དུས། 　【2025ལོའི་ཟླ་ 07ཚེས་01ཉིན། 13:36】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

ཟླ་6ཚེས་28ཉིན། ལྷ་སའི་གླིང་ཁའི་ནང་མ་སྟོད་གཞས་ཀྱི་འགྲན་བསྡུར་ཆེ་མོ་སྐབས་དང་པོ་དེ་སྟག་རྩེ་ཆུས་སུ་ཚུགས་པ་རེད། ཡུལ་དངོས་སུ། སྔོན་ལ་བདམས་ཐོན་བྱུང་བའི་དཔུང་ཁག་19རིམ་པར་གར་སྟེགས་ཐོག་ཏུ་འགྲན་བསྡུར་བྱས་པ་རེད། ནང་མ་སྟོད་གཞས་ཞེས་པ་ནི་བོད་ཀྱི་དམངས་ཁྲོད་གླུ་གར་རིམ་པ་ཅུང་མཐོ་བར་འཕེལ་རྒྱས་བྱུང་བ་དང་། གླུ་དང་བྲོ་གར། རོལ་དབྱངས་བཅས་འདྲེས་མའི་སྲོལ་རྒྱུན་རིག་གནས་སྒྱུ་རྩལ་ཤུལ་བཞག་རྩ་ཆེན་ཞིག་ཡིན་པས། ས་གནས་དེ་གའི་མང་ཚོགས་ཀྱིས་དགའ་པོ་བྱེད་པ་དང་དགའ་བསུ་ཆེན་པོ་བྱེད་བཞིན་ཡོད། འདི་ནི་གླིང་ཁའི་ནང་མ་སྟོད་གཞས་འགྲན་བསྡུར་ཆེན་མོ་སྐབས་དང་པོའི་ཡུལ་དངོས་རེད།