མི་དམངས་དྲ་བ།

༄༅།།ཐེ་རོན་ཕུ་ཡི་གཏམ་བརྗོད་ལ་ལན་བསློགས་འདུག

གསར་འགྱུར་སྤེལ་དུས། 　【2025ལོའི་ཟླ་ 06ཚེས་13ཉིན། 15:15】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། རྟ་མགྲིན།）

ཚེས་12ཉིན་ཀྲུང་གོའི་ཕྱི་འབྲེལ་པུའི་མགྲིན་ཚབ་པ་ལིན་ཅན་གྱིས་རྒྱུན་ལྡན་གྱི་གསར་འགོད་པའི་ཚོགས་འདུ་གཙོ་སྐྱོང་གནང་བ་རེད། ཨ་རིའི་ཙུང་ཐུང་ཐེ་རོན་ཕུ་ཡིས་ཀྲུང་གོ་དང་ཨ་རིའི་འབྲེལ་བའི་སྐོར་གྱི་གཏམ་བརྗོད་གསར་པ་སྤེལ་བའི་ཐད་གསར་འགོད་པ་ཞིག་གིས་དྲི་བ་བཏོན་པ་རེད།

ལིན་ཅན་གྱིས། ཀྲུང་གོ་ཕྱོགས་ཀྱིས་སྔ་ཕྱི་བར་གསུམ་དུ་ཕན་ཚུན་བརྩི་འཇོག་དང་། ཞི་བདེ་མཉམ་གནས། མཉམ་ལས་མཉམ་རྒྱལ་བཅས་ཀྱི་སྙིང་སྟོབས་ལ་བརྟེན་ནས་ཀྲུང་གོ་དང་ཨ་རིའི་འབྲེལ་བར་ལྟ་སྟངས་འཛིན་པ་དང་ཐག་གཅོད་བྱེད་ཀྱིན་ཡོད། ཨ་རིའི་འབྲེལ་བའི་ཐད་ཀྱི་ང་ཚོའི་ལངས་ཕྱོགས་ནི་ཐོག་མཐའ་བར་གསུམ་དུ་ཁ་གསལ་ཞིག་ཡིན་ཞེས་བཤད།