༄༅།།ཀྲུང་ནན་ཧྲན་གྱིས་འདི་ལྟར་གསུང་འདུག 

ཉེ་ཆར། རྒྱལ་ཡོངས་ཀྱི་ས་གནས་མང་པོ་ཞིག་ཏུ་ཏོག་གསར་ནད་དུག་འགོས་ཚུལ་ཐོན་ཡོད། སྤྱི་དམངས་ཀྱིས་ “ཉེ་ལམ་ཏོག་གསར་རིམས་ནད་དུས་མཚམས་གང་དུ་གནས་ཡོད་པའི་”གནད་དོན་ལ་དོ་ཁུར་བྱེད་པ་འདིའི་ཐད། ཀྲུང་གོ་བཟོ་སྐྲུན་སློབ་གླིང་གི་ཡོན་ཧྲི་ཀྲུང་ནན་ཧྲན་གྱིས་གསར་འགོད་པའི་དྲི་བར་ལན་བཏབ་པ་རེད།

ཀྲུང་ནན་ཧྲན་གྱིས་བསྟན་དོན། ཀྲུང་གོའི་ནད་རིགས་སྔོན་འགོག་ཚོད་འཛིན་ལྟེ་གནས་ཀྱིས་ཟླ་5ཚེས་25ཉིན་ནས་ཟླ་6ཚེས་1ཉིན་བར་ཁྱབ་བསྒྲགས་བྱས་པའི་ཆམ་རིམས་འདྲ་བའི་ནད་དཔེ་དེ་ཏོག་གསར་ནད་དུག་གདགས་གཤིས་ཡིན་པའི་ཚད་22.8%ཡིན་ཞིང་། དེས་ཧ་ལམ་1/5ཟིན་ཡོད་པ་རེད། ད་ལྟ་ཏོག་གསར་ནད་དུག་གི་འགོས་ནད་དྲག་པོ་ཡོད་མོད། འོན་ཀྱང་ནད་ཕོག་རང་བཞིན་ཧ་ཅང་ཇེ་ཞན་དུ་སོང་ཡོད། དེ་ནི་ཆམ་རིམས་དང་འདྲ། ནད་པ་ལ་ལར་རྨང་གཞིའི་ནད་ཡོད་པའི་གནས་ཚུལ་འོག་བརྟག་དཔྱད་གསལ་བོ་བྱས་རྗེས། དམིགས་སའི་རང་བཞིན་ཡོད་པའི་སྒོ་ནས་སྨན་བཅོས་བྱེད་དགོས། སྨན་བཟས་རྗེས་རྒན་རྒོན་སམ་ཡང་ན་རྨང་གཞིའི་རང་བཞིན་གྱི་ནད་རིགས་ཡོད་པའི་ནད་པ་ནད་ཇེ་ལྕི་དང་ཐ་ན་འཆི་རིགས་མི་ཐོན་པར་་བྱེད་དགོས། ད་ལྟ་ཏོག་གསར་རིམས་ནད་དེར་ཆམ་རིམས་ཀྱི་ལྟ་སྟངས་འཛིན་དགོས་པ་ལས་སྐྲག་མི་དགོས།