༄༅།།འདི་ལོའི་དུས་ཚིགས་དང་པོར་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་གྲངས་གནས་གཉིས་འཕར་བ།

འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོ་རླངས་འཁོར་བཟོ་ལས་མཐུན་ཚོགས་ཀྱིས་ཁྱབ་བསྒྲགས་བྱས་པའི་གྲངས་གཞི་ལས་མངོན་པར། རླངས་འཁོར་འཛད་སྤྱོད་ལ་སྐུལ་མ་གཏོང་བའི་སྲིད་ཇུས་དང་བྱེད་ཐབས་རབ་དང་རིམ་པ་རྒྱུན་མཐུད་པ་དང་འབྲེལ། དོན་འཁྱོལ་མགྱོགས་མྱུར་བྱེད་པ་དང་། འཛད་སྤྱོད་ཁྲོམ་རའི་སྤུས་ཚད་ལེགས་སུ་གཏོང་བ། ཁེ་ལས་ཀྱི་ཐོན་རྫས་གསར་པ་ཡང་ཡང་བརྗེ་བ། འཛད་སྤྱོད་པའི་ཡིད་ཆེས་ཆེ་རུ་ཕྱིན་པ་བཅས་ལས་ཕན་པ་ཐོབ་ནས། དུས་ཚིགས་དང་པོར་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་གྲངས་གནས་གཉིས་འཕར་ཏེ་འགོ་ཚུགས་བཀྲ་ཤིས་བྱུང་ཡོད།

དུས་ཚིགས་དང་པོར་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་ཁྲི་756.1དང་ཁྲི་747སོ་སོར་ལེགས་གྲུབ་བྱུང་བ་དེ་དུས་མཚུངས་ལས་14.5%དང་11.2%སོ་སོར་འཕར་བའི་ནང་། ནུས་རྒྱུ་གསར་པའི་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་ཁྲི་318.2དང་ཁྲི་307.5སོ་སོར་ལེགས་གྲུབ་བྱུང་བ་དེ་དུས་མཚུངས་ལས་50.4%དང་47.1%སོ་སོར་འཕར་ཡོད། ནུས་རྒྱུ་གསར་པའི་རླངས་འཁོར་གསར་པ་ཕྱིར་ཚོང་བྱེད་ཚད་རླངས་འཁོར་གསར་པའི་ཕྱིར་ཚོང་བསྡོམས་འབོར་གྱི་41.2%ཟིན་ཡོད།

（པད་ཆོས་ཀྱིས་བསྒྱུར། བདེ་སྐྱིད་ཀྱིས་ཞུས）