༄༅།།“ཐའེ་ཝན་རང་བཙན་”ཐད་འདི་ལྟར་བཤད་འདུག 

ཟླ་4ཚེས་1ཉིན། ཕྱི་འབྲེལ་པུའི་མགྲིན་ཚབ་པ་གོ་ཅ་ཁུན་གྱིས་རྒྱུན་ལྡན་གྱི་གསར་འགོད་པའི་ཚོགས་འདུ་གཙོ་སྐྱོང་གནང་བ་རེད། གསར་འགོད་པ་ཞིག་གིས། དེ་རིང་ཀྲུང་གོའི་མི་དམངས་བཅིངས་འགྲོལ་དམག་ཤར་རྒྱུད་འཐབ་ཁུལ་གྱིས་ཐའེ་ཝན་གླིང་ཕྲན་གྱི་མཐའ་འཁོར་དུ་མཉམ་འབྲེལ་དངོས་སྦྱོང་བྱས། ཀྲུང་གོ་ཕྱོགས་ཀྱིས་དེའི་ཐད་དཔྱད་གཏམ་གང་ཞིག་སྤེལ་རྩིས་ཡོད་དམ་ཞེས་དྲིས།

གོ་ཅ་ཁུན་གྱིས། ཀྲུང་གོའི་ཕྱོགས་ཀྱི་འབྲེལ་ཡོད་མཉམ་འབྲེལ་དངོས་སྦྱོང་ནི་“ཐའེ་ཝན་རང་བཙན”གྱི་ཁ་བྲལ་སྟོབས་ཤུགས་ལ་ཐ་ཚིག་ནན་པོར་སྒྲོག་པ་དང་བཀག་འགོག་ནུས་ལྡན་བྱས་པ་ཞིག་དང་། རྒྱལ་ཁབ་ཀྱི་བདག་དབང་སྲུང་སྐྱོང་དང་རྒྱལ་ཁབ་ཀྱི་གཅིག་གྱུར་སྲུང་སྐྱོང་བྱེད་པའི་བྱ་སྤྱོད་ལུགས་མཐུན་དགོས་ངེས་ཤིག་ཡིན་ཞེས་དང་།

ཐའེ་ཝན་ནི་ཀྲུང་གོའི་མངའ་ཁོངས་ཀྱི་ཁ་ཕྲལ་དུ་མི་རུང་བའི་ཆ་ཤས་ཤིག་ཡིན་ཞིང་། ཐའེ་ཝན་གྱི་གནད་དོན་ནི་ཀྲུང་གོའི་ནང་སྲིད་ཁོ་ན་ཡིན་པས་ཕྱི་ཕྱོགས་ཀྱི་སྟོབས་ཤུགས་གང་ཞིག་གིས་ཀྱང་ཐེ་གཏོགས་བྱས་མི་ཆོག དམངས་གཙོ་ཡར་སྐུལ་ཚོགས་པའི་ཏང་གི་དབང་འཛིན་ལས་ཁུངས་ཀྱིས་“ཐའེ་ཝན་རང་བཙན་”གྱི་ལངས་ཕྱོགས་མཁྲེགས་བཟུང་མཐའ་འཁྱོངས་དང་། ཕྱི་ལ་བརྟེན་ནས་“རང་བཙན་”དོན་གཉེར་བྱེད་པའི་རེ་ངན་འཆང་བ་ཕམ་ངེས་ཡིན་པ་དང་། ཀྲུང་གོ་མཇུག་མཐར་གཅིག་གྱུར་ཡོང་ངེས་ཡིན་ལ། གཅིག་གྱུར་ཡོང་ངེས་ཡིན་པའི་ལོ་རྒྱུས་ཀྱི་འཕེལ་ཕྱོགས་ཆེན་པོ་འགོག་ཐབས་མེད་པ་ཞིག་ཀྱང་ཡིན་ཞེས་བཤད།