༄༅།།ཕྱི་རྒྱལ་གྱི་སྐམ་ཤ་ནང་འདྲེན་ཐད་ཀྱི་ཚོཊ་འདུ་གལ་ཆེན་ཞིག་འཚོཊ། 

ཚོང་དོན་པུའུ་ཡི་དྲ་ཚིགས་ཐོག་གནས་འཕྲིན་སྤེལ་བར་གཞིགས་ན། ཚོང་དོན་པུའི་ཉོ་ཚོང་རྒུད་སྐྱོབ་ཅུས་ཀྱི་འགན་འཁུར་བས་ཚོང་དོན་པུས་སྐམ་ཤ་འགན་སྲུང་བྱེད་ཐབས་ཀྱི་གྱོད་གཞིའི་དཔང་ཉན་ཚོགས་འདུ་འཚོགས་པར་གསར་འགོད་པའི་དྲི་བར་ལན་བཏབ་པ་རེད།

གསར་འགོད་པ་ཞིག་གིས། ང་ཚོས་ཚོང་དོན་པུས་ཉེ་དུས་ནང་འདྲེན་བྱས་པའི་སྐམ་ཤ་འགན་སྲུང་བྱེད་ཐབས་ཀྱི་གྱོད་གཞིའི་དཔང་ཉན་ཚོགས་འདུ་འཚོགས་པར་དོ་སྣང་བྱུང་ཡོད། འབྲེལ་ཡོད་གནས་ཚུལ་ངོ་སྤྲོད་བྱས་ན་ཆོག་གམ་ཞེས་དྲིས།

འགན་འཁུར་བས། འབྲེལ་ཡོད་ཁེ་གྱོང་གི་འབྲེལ་བ་ཡོད་མཁན་ཕྱོགས་ཀྱིས་རེ་ཞུ་བྱས་ཏེ་འབྲེལ་ཡོད་ལས་ཀའི་གོ་རིམ་གཞིར་བཟུང་། 2025ལོའི་ཟླ་3ཚེས་31ཉིན་ཚོང་དོན་པུས་ནང་འདྲེན་བྱས་པའི་སྐམ་ཤ་འགན་སྲུང་བྱེད་ཐབས་ཀྱི་གྱོད་གཞིའི་དཔང་ཉན་ཚོགས་འདུ་འཚོགས་པ་རེད། པར་ཙིར་དང་། ཨ་ཀེན་ཐིན། ཝུ་ར་ཀུའེ། ཨོ་སི་ཁྲུ་ལི་ཡ། ཞིན་ཞི་ལན། ཨ་རི་སོགས་རྒྱལ་ཁབ་སྲིད་གཞུང་གི་འཐུས་ཚབ་དང་། ཕྱིར་གཏོང་ཚོང་པ་དང་དེའི་མཐུན་ཚོགས། ཀྲུང་གོའི་རྒྱལ་ནང་གི་ནང་འདྲེན་ཚོང་པ། རྒྱལ་ནང་གི་སྐམ་ཤ་ཐོན་སྐྱེད་ཁེ་ལས་དང་། བཤས་ཟོག་གསོ་སྤེལ་ར་བ། གྱོད་གཞི་འདིའི་རེ་འདུན་ཞུ་མཁན་སོགས་ཁེ་གྱོང་གི་འབྲེལ་བ་ཡོད་པའི་ཕྱོགས་75བཅས་ཁྱོན་བསྡོམས་མི་180ཙམ་ཐེངས་འདིའི་དཔང་ཉན་ཚོགས་འདུར་ཞུགས་ཡོད། ཁེ་གྱོང་གི་འབྲེལ་བ་ཡོད་པའི་ཕྱོགས་སོ་སོས་དཔང་ཉན་ཚོགས་འདུའི་སྟེང་བསམ་འཆར་གང་ལེགས་བཏོན་པ་དང་དོ་ཁུར་བསྟན་པ་རེད། བརྟག་དཔྱད་ལས་ཁུངས་ཀྱིས་ཁྲིམས་ལྟར་བསམ་གཞིགས་བྱ་རྒྱུ་མ་ཟད་དོན་དངོས་དང་སྒྲིག་སྲོལ་གཞིར་བཟུང་ནས། དོན་དངོས་དང་མཐུན་ཞིང་དྲང་གཞག་ཡིན་པའི་ཁྲུན་ཐག་གཅོད་རྒྱུ་ཡིན་པ་བཤད།

༄༅།།ས་ཡོམ་ཁྲོད་མི་2719རྐྱེན་ལམ་དུ་ཤོར་འདུག

གསར་འགོད་པས་ས་གནས་དེ་གའི་དུས་ཚོད་ཟླ་4ཚེས་1ཉིན་ཤེས་རྟོགས་བྱུང་བར་གཞིགས་ན། འབར་མའི་ས་ཡོམ་དྲག་པོའི་ཁྲོད་མི་2719རྐྱེན་ལམ་དུ་ཤོར་བ་རེད།