༄༅།།ས་ཡོམ་གྱི་ཡུལ་དངོས་སུ་འཚོལ་སྐྱོབ་བྱེད་པ། 

ས་གནས་དེ་གའི་དུས་ཚོད་ཟླ་4ཚེས་1ཉིན། ཀྲུང་གོའི་རོགས་སྐྱོབ་རུ་ཁག་གིས་ཀྲུང་གོའི་ཞང་ཀང་དམིགས་བསལ་ཁུལ་གྱི་རོགས་སྐྱོབ་རུ་ཁག་དང་མཉམ་འབྲེལ་བྱས་ཏེ་མན་ཏེ་ལིར་གནོད་འཚེ་ཚབས་ཆེ་ཤོས་ཐེབས་པའི་ཐེན་ཁོན་སྡོད་ཁང་གི་རོགས་སྐྱོབ་བྱ་ཡུལ་དུ་བསྐྱོད་དེ་མཉམ་འབྲེལ་འཚོལ་སྐྱོབ་བྱས་པ་རེད།

ད་ཐེངས་ཀྱི་མཉམ་འབྲེལ་འཚོལ་སྐྱོབ་ནང་ཁྱོན་མི་24མངགས་པ་དང་། སྦྲུལ་མིག་ནང་ཤེལ་དང་ཚེ་སྲོག་བརྟག་དཔྱད་ཡོ་བྱད། བརྙན་མིག་ཧྲིལ་པོ་དང་མི་མེད་གནམ་གྲུ་སོགས་ཀྱི་སྒྲིག་ཆས་འཁྱེར་ནས་ཐེན་ཁོན་སྡོད་ཁང་གི་རོགས་སྐྱོབ་བྱ་ཡུལ་གྱི་གཙོ་གནད་ཁུལ་དུ་འཚོལ་སྐྱོབ་གཏིང་ཟབ་བྱས་ཡོད། ཤེས་རྟོགས་བྱུང་བར་གཞིགས་ན། འཕྲལ་བསྟུན་དོ་དམ་པུས་སྣེ་ཁྲིད་དེ་ཀྲུང་གོའི་རོགས་སྐྱོབ་དཔུང་ཁག་གིས་འབར་མར་རོགས་སྐྱོབ་བྱེད་པའི་ལས་ཀའི་ལམ་སྲོལ་བཙུགས་པ་དང་། ཀྲུང་གོའི་རོགས་སྐྱོབ་དཔུང་ཁག་གིས་འབར་མའི་མན་ཏེ་ལེ་ཞིང་ཆེན་དུ་རོགས་སྐྱོབ་ལས་དོན་སྤེལ་རྒྱུར་གཅིག་འདོམས་ཀྱིས་མཐུན་སྦྱོར་བྱས་པ་རེད།