གསར་འགྱུར་སྤེལ་དུས། 【2025ལོའི་ཟླ་ 04ཚེས་01ཉིན། 14:03】 ཡོང་ཁུངས།:མི་དམངས་དྲ་བ། (རྩོམ་སྒྲིག་འགན་འཁུར་པ། རྟ་མགྲིན།)
ཟླ་3ཚེས་31ཉིན། ཨུ་རུ་སུའི་ཙུང་ཐུང་ཕུའུ་ཅིང་གིས་དཔྱིད་ཀར་ཨུ་རུ་སུའི་སྤྱི་དམངས་དམག་ཞབས་སུ་བསྡུ་བའི་སྐོར་གྱི་བཀའ་ཁྲིམས་ལ་མིང་རྟགས་བཀོད།
བཀའ་ཁྲིམས་ལྟར་ན། 2025ལོར་ཟླ་4བའི་ཚེས་1ཉིན་ནས་ཟླ7པའི་ཚེས་15ཉིན་བར། ལོ་18ནས་30བར་དང་། གྲ་སྒྲིག་དམག་ཞབས་མ་ཞུས་པ་མ་ཟད་དམག་ཞབས་ཞུ་དགོས་པའི་ཨུ་རུ་སུའི་རྒྱལ་ཕྲན་མཉམ་འབྲེལ་གྱི་སྤྱི་དམངས་ལ་དམག་བསྡུའི་བྱེད་སྒོ་སྤེལ་བ་དང་། དམག་མི་བསྡུ་གྲངས་བསྡོམས་འབོར་ནི་ཁྲི་16ཡིན་པ་རེད།
ཨུ་རུ་སུའི་རྒྱལ་སྲུང་པུའུ་ཡིས། མི་འགྱངས་བར་དམག་བསྡུའི་བྱེད་སྒོ་སྤེལ་བ་ནི་ཡུག་རེན་གྱི་དམིགས་བསལ་དམག་དོན་བྱེད་སྒོ་དང་འབྲེལ་བ་ཅི་ཡང་མེད་ཟེར། དམག་བསྡུའི་བྱེད་སྒོ་དེ་འཆར་གཞི་ཡོད་པའི་སྒོ་ནས་ཨུ་རུ་སུའི་རྒྱལ་ཕྲན་མཉམ་འབྲེལ་བཅའ་ཁྲིམས་སུ་གཏན་ལ་ཕབ་པའི་དུས་ཚོད་ཀྱི་ཁྱབ་ཁོངས་ནང་སྤེལ་རྒྱུ་རེད།
ཨུ་རུ་སུས་ལོ་རེའི་དཔྱིད་ཀ་དང་སྟོན་ཁར་དམག་མི་ཐེངས་རེ་བསྡུ་བཞིན་ཡོད། 2024ལོའི་དཔྱིད་ཀར་ཨུ་རུ་སུར་ཁྱོན་བསྡོམས་མི་ཁྲི་15དམག་སྐུལ་དང་བླངས་ཀྱི་དམག་ལ་ཞུགས་ཡོད།