༄༅།།ན་ནིང་རང་རྒྱལ་གྱི་དྲ་རྒྱའི་བལྟ་ཉན་ལས་རིགས་ཁྲོམ་རའི་གཞི་ཁྱོན་སྒོར་དུང་ཕྱུར་ཁྲི་1.22ལྷག་ཙམ་ཟིན་པ།

འདི་ག་ཚགས་པར་ཁང་དུ་ཁྲེང་ཏུའུ་ནས་ཟླ་3ཚེས་26ཉིན་གློག་འཕྲིན་འབྱོར་གསལ། 《ཀྲུང་གོའི་དྲ་རྒྱའི་བལྟ་ཉན་འཕེལ་རྒྱས་ཞིབ་འཇུག་སྙན་ཞུ（2025）》ཉིན་ཤས་གོང་ཀྲུང་གོའི་དྲ་རྒྱའི་བལྟ་ཉན་ཚོགས་ཆེན་སྐབས་བཅུ་གཉིས་པའི་ཐོག་ཁྱབ་བསྒྲགས་བྱས་པ་རེད།

ན་ནིང་ཟླ་12བར་རང་རྒྱལ་གྱི་དྲ་རྒྱའི་བལྟ་ཉན་སྤྱོད་དུད་ཀྱི་གཞི་ཁྱོན་དུང་ཕྱུར་10.91ཟིན་པ་དང་དུས་མཚུངས་ལས་1.6%འཕར་བ། དྲ་དམངས་ཀྱི་སྤྱོད་ཚད་98.4%ཟིན་པ་དང་དུས་མཚུངས་ལས་བརྒྱ་ཆའི་གྲངས་0.1འཕར་ནས་མུ་མཐུད་འཕར་བའི་རྣམ་པ་རྒྱུན་འཁྱོངས་ཐུབ་ཡོད།

2024ལོར་རང་རྒྱལ་གྱི་དྲ་རྒྱའི་བལྟ་ཉན་ལས་རིགས་ཁྲོམ་རའི་གཞི་ཁྱོན་སྒོར་དུང་ཕྱུར12226.49ཟིན་པ་དང་དུས་མཚུངས་ལས་6.1%འཕར་ཡོད། ན་ནིང་ཟླ་12བར་རང་རྒྱལ་གྱི་དྲ་རྒྱའི་བལྟ་ཉན་ལས་རིགས་ཀྱི་ལས་གཉེར་ཁེ་ལས་ཀྱི་བསྡོམས་འབོར་ཁྲི་75.70ཟིན་ནས་ལོ་རྒྱུས་ཀྱི་ཟིན་ཐོ་མཐོ་ཤོས་བཏོད་ཡོད། དེའི་ནང་ན་ནིང་ཁེ་ལས་གསར་པ་ཁྲི་12.57བཙུགས་པ་དེས་16.6%ཙམ་བཟུང་ཡོད། ཁེ་ལས་ཀྱི་གཞི་ཁྱོན་ནས་བལྟས་ན། ཁེ་ལས་ཆེས་ཆུང་གྲས་ཁྲི་60.85ཙམ་ཡོད་པ་དེས་80.4%བཟུང་བ། ཁེ་ལས་ཆུང་གྲས་ཁྲི་11.76ཙམ་ཡོད་པ་དེས་15.5%བཟུང་ཡོད། ཕྲན་ཚེགས་ཁེ་ལས་ནི་ལས་ཞུགས་བསྡུ་ལེན་བྱེད་པའི“གཙོ་ཤུགས་དམག”ཏུ་གྱུར་ཡོད།