མི་དམངས་དྲ་བ།

༄༅།།ལོ་ངོ་3000གོང་གི་རྡོ་བརྐོས་རི་མོ་འདི་འདྲ་ཞིག་རྙེད་འདུག

གསར་འགྱུར་སྤེལ་དུས། 　【2025ལོའི་ཟླ་ 03ཚེས་28ཉིན། 14:20】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

མཚོ་ལྷོ་བོད་རིགས་རང་སྐྱོང་ཁུལ་བྲག་དཀར་རྫོང་གི་རིག་དངོས་ཡོངས་ཁྱབ་ཞིབ་བཤེར་རུ་ཁག་གིས་རྒྱལ་ཡོངས་རིག་དངོས་ཡོངས་ཁྱབ་ཞིབ་བཤེར་ཐེངས་4པའི་ཕྱི་རོལ་བརྟག་དཔྱད་བྱེད་སྐབས། ནང་དོན་ཕུན་སུམ་ཚོགས་པའི་བྲག་བརྐོས་རི་མོའི་ཚོགས་པ་གསར་པ་ཞིག་རྙེད་པ་རེད།

བྲག་རིས་ཚོགས་དེ་བྲག་དཀར་རྫོང་དཔལ་ཁ་གྲོང་རྡལ་ཉིན་ཆུ་ཡུལ་ཚོ་རུ་ཡོད་ཅིང་། སྲོག་ཆགས་ཀྱི་རི་མོ་བརྐོས་པའི་བྲག་རིས་བཅུ་ལྷག་སྨི་གྲུ་བཞི་མ་6000ཙམ་གྱི་རི་ལྡེབས་བྲག་རྡོའི་ཐོག་ཐོར་ཐོར་དུ་བརྐོས་ཡོད། དེའི་ནང་བྲག་བརྐོས་རི་མོ་མང་ཆེ་བའི་ནང་དོན་ནི་ནོར་གནག་དང་། རྟ། ལུག ཤྭ་བ། གསའ། སྤྱང་ཀི་སོགས་སྲོག་ཆགས་ཀྱི་གཟུགས་བརྙན་ཡིན། བྲག་རིས་དེ་དག་གི་ལོ་རབས་ནི་ཟངས་སྤྱོད་པའི་དུས་རབས་ནས་ཐང་སུང་རྒྱལ་རབས་ཀྱི་དུས་སྐབས་བར་ཡིན་པ་དང་། ད་ལྟའི་བར་སྔ་ཤོས་ལ་ལོ་3000ཙམ་གྱི་ལོ་རྒྱུས་ཡོད་ཅིང་། དེ་ནི་བྲག་དཀར་རྫོང་ས་ཁུལ་དུ་སྔ་དུས་མེས་པོའི་བྱེད་སྒོ་ཡོད་པའི་ར་སྤྲོད་ནུས་ལྡན་ཞིག་ཡིན་པ་དང་། བྲག་དཀར་ས་ཁུལ་གྱི་མིའི་རིགས་ཀྱི་ལོ་རྒྱུས་འཕེལ་རིམ་ཤེས་རྟོགས་བྱེད་པར་དོན་སྙིང་གལ་ཆེན་ལྡན་ཡོད་པ་རེད།