མི་དམངས་དྲ་བ།

༄༅།།ཕུའུ་ཅིང་གིས་མཉམ་འབྲེལ་རྣམ་གྲངས་འདིར་ཆོག་མཆན་སྤྲོད་རྒྱུ་ཡིན་པ།

གསར་འགྱུར་སྤེལ་དུས། 　【2025ལོའི་ཟླ་ 03ཚེས་28ཉིན། 10:58】 ཡོང་ཁུངས།：མི་དམངས་ཉིན་རེའི་ཚགས་པར། （རྩོམ་སྒྲིག་འགན་འཁུར་པ། མཁའ་འགྲོ།）

ས་གནས་དེ་གའི་དུས་ཚོད་ཟླ་3ཚེས་27ཉིན་ཨུ་རུ་སུའི་ཙུང་ཐུང་ཕུའུ་ཅིང་མོར་མན་སི་ཁེ་རུ་རྒྱལ་སྤྱིའི་བྱང་སྣེའི་གླེང་སྟེགས་སུ་ཞུགས་སྐབས། ནུབ་ཕྱོགས་རྒྱལ་ཁབ་ཀྱིས་བྱང་སྣེའི་ཁུལ་གྱི་རྣམ་གྲངས་ལ་བློ་འདོད་ཡོད་ཚེ། ཨུ་རུ་སུས་ནུབ་ཕྱོགས་རྒྱལ་ཁབ་དང་ཨུ་རུ་སུ་དབར་མཉམ་འབྲེལ་རྣམ་གྲངས་སྤེལ་ཆོག་པ་བྱ་རྒྱུ་ཡིན་ཞེས་བཤད་པ་རེད།

ཕུའུ་ཅིང་གིས། ཨུ་རུ་སུས་བྱང་སྣེ་ཁུལ་གྱི་རྒྱལ་ཁབ་གང་རུང་ལ་འཇིགས་སྐུལ་གཏན་ནས་བྱེད་མྱོང་མེད་མོད། འོན་ཀྱང་ཨུ་རུ་སུ་ཕྱོགས་ཀྱིས་བྱང་སྣེ་ཁུལ་གྱི་གནས་བབ་ལའང་དོ་ཁུར་གཟབ་ནན་བྱེད་བཞིན་ཡོད་པ་མ་ཟད། ཨུ་རུ་སུའི་བདག་དབང་ལ་བཙན་གནོད་ཀྱི་བྱེད་སྤྱོད་རིགས་གང་ཡང་སྤེལ་དུ་འཇུག་མི་སྲིད་པ་ནན་བཤད་བྱས།

ཕུའུ་ཅིང་གིས། ཨུ་རུ་སུས་ངེས་པར་དུ་འཁྱགས་གཏོར་གྲུ་གཟིངས་རབས་གསར་པ་ནང་འདྲེན་བྱས་ནས། བྱང་སྣེ་ཁུལ་དུ་ཤུགས་རྐྱེན་སྔར་བས་ཆེ་རུ་གཏོང་དགོས་པ་དང་། བྱང་སྣེ་ཁུལ་དུ་རང་ཉིད་ཀྱི་ཚོང་གྲུའི་རུ་ཁག་འཛུགས་དགོས་པ་དང་གྲུ་གཟིངས་རུ་ཁག་ལ་ཚོང་ཟོག་གྲུ་གཟིངས་དང་རོགས་སྐྱོབ་གྲུ་གཟིངས་ཚུད་པའི་གྲུ་གཟིངས་ཀྱང་སྣ་ཚོགས་དགོས་ཞེས་བཤད་པ་རེད།

གཞན་ཡང་། ཕུའུ་ཅིང་གིས། ཞི་པོ་ལི་ཡཱ་དང་ཝུའུ་ལྭར་ཁུལ་དུ་བྱང་སྣེར་བསྐྱོད་པའི་ལྕགས་ལམ་ཞིག་བསྐྲུན་ནས། ཨུ་རུ་སུའི་ཞི་པོ་ལི་ཡཱའི་ལྕགས་ལམ་ཆེན་པོའི་སྐྱེལ་འདྲེན་ཁུར་པོ་ཡང་དུ་གཏོང་དགོས་ཞེས་བཤད་པ་རེད།