༄༅།།མཚོ་སྔོན་གྱི་འགོ་ཁྲིད་འདི་གཞུང་གཏུག་བྱས་འདུག 

ཉིན་ཤས་གོང་། མཚོ་སྔོན་ཞིང་ཨུ་དྲིལ་བསྒྲགས་པུའུ་ཡི་པུའུ་ཀྲང་གཞོན་པ་ཟུར་པ་དང་ཞིང་ཆེན་གསར་འགྱུར་དཔེ་སྐྲུན་ཅུས་ཀྱི་ཅུས་ཀྲང་(ཞིང་ཆེན་དཔར་དབང་ཅུས་ཀྱི་ཅུས་ཀྲང་) ཟུར་པ་ལུའུ་ཡན་(ཐིང་རིམ་པ་གཞན་པ་)ལ་ཉེས་གསོག་གི་དོགས་གཞི་ཡོད་པའི་གྱོད་གཞི་དེ་མཚོ་སྔོན་ཞིང་ཆེན་མི་དམངས་ཞིབ་དཔྱོད་ཁང་ལ་ཐག་གཅོད་བྱར་རྩིས་སྤྲད་པ་བརྒྱུད། ཟི་ལིང་གྲོང་ཁྱེར་མི་དམངས་ཞིབ་དཔྱོད་ཁང་གིས་ཟི་ལིང་གྲོང་ཁྱེར་འབྲིང་རིམ་མི་དམངས་ཁྲིམས་ཁང་ལ་ཁྲིམས་ལྟར་གཞུང་གཏུག་བྱས་པ་རེད། གྱོད་གཞི་འདི་ཐག་གཅོད་སྔར་ལས་ལྷག་པར་བྱེད་བཞིན་ཡོད།

ཞིབ་དཔྱོད་ལས་ཁུངས་ཀྱིས་ཞིབ་བཤེར་དང་ཞུ་གཏུག་བྱེད་པའི་དུས་མཚམས་སུ། ཞུ་སྦྱོར་ཕྱི་མ་བ་ལུའུ་ཡན་ལ་ཞུ་གཏུག་དབང་ཆ་སྤྱོད་དབང་ཡོད་པ་ཁྲིམས་ལྟར་གསལ་བཤད་བྱས་པ་མ་ཟད། ཞུ་སྦྱོར་ཕྱི་མ་བར་འདྲི་རྩད་བྱས་ཤིང་དག་འབུད་པའི་བསམ་འཆར་ཡང་ཉན་འཇོག་བྱས་པ་རེད། ཟི་ལིང་གྲོང་ཁྱེར་མི་དམངས་ཞིབ་དཔྱོད་ཁང་གིས་སྐྱོན་འཛུགས་ཞུ་གཏུག་བྱས་དོན། 2020ལོ་ནས་2022ལོའི་བར། ཞུ་སྦྱོར་ཕྱི་མ་བ་ལུའུ་ཡན་གྱིས་མཚོ་སྔོན་ཞིང་ཨུ་དྲིལ་བསྒྲགས་པུའི་རིམ་པ་གཉིས་པའི་སྐོར་གཟིགས་པ་དང་པུའུ་ཀྲང་གཞོན་པ་སོགས་ཀྱི་གོ་གནས་འཁུར་བའི་སྟབས་བདེར་བརྟེན་ནས་གཞན་ལ་ཁེ་ཕན་སྒྲུབ་རོགས་བྱས་པ་དང་། ཁྲིམས་དང་འགལ་ཏེ་གཞན་གྱི་རྒྱུ་ནོར་བླངས་ཤིང་གྲངས་འབོར་ཤིན་ཏུ་མང་བས་ལྐོག་རྔན་བླངས་པའི་ཉེས་གསོག་ཐོག་ནས་དེའི་ཉེས་དོན་ཁྲིམས་ལྟར་འགན་འཁྲི་བདའ་འདེད་གཏོང་དགོས།