༄༅།།མཚོ་སྔོན་གྱིས་འཚོ་རྟེན་ལས་སྤྲོད་ཀྱི་ཀྲུང་དབྱང་གི་རྨང་གཞིའི་འཛུཌ་སྐྲུན་གྱི་མ་དངུལ་སྒོར་དུང་ཕྱུར་2.95གཤམ་དུ་སྤྲད་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཟླ་3ཚེས་17ཉིན། མཚོ་སྔོན་ཞིང་ཆེན་ནོར་སྲིད་ཐིང་ནས་གཏམ་བཟང་གྲགས་པར། ཞིང་ཆེན་ནོར་སྲིད་ཐིང་གིས་2025ལོར་འཚོ་རྟེན་ལས་སྤྲོད་ཀྱི་ཀྲུང་དབྱང་གི་རྨང་གཞིའི་འཛུགས་སྐྲུན་མ་དངུལ་སྒོར་དུང་ཕྱུར་2.95གཤམ་དུ་སྤྲད་ནས་ཞིང་ཆེན་ཡོངས་ཀྱི་གྲོང་ཁྱེར་དང་ཀྲོའུ་8དང་རྫོང་དང་ཆུས་19ལ་གྲོང་གསེབ་ཀྱི་ཆུ་འབུད་མདོང་ལམ་དང་གྲོང་གསེབ་ཀྱི་འགྲོ་ལམ་སོགས་གྲོང་གསེབ་ཀྱི་རྨང་གཞིའི་སྒྲིག་བཀོད་འབྲིང་ཆུང་49སྐྲུན་པར་རྒྱབ་སྐྱོར་བྱས་པ་རེད། སྔོན་དཔག་བྱས་ན་ངལ་ནུས་གླ་ཆ་སྒོར་དུང་ཕྱུར་0.93སྤྲོད་རྒྱུ་དང་ས་གནས་དེ་གའི་མང་ཚོགས་ལས་མི་3078བསྡུ་རྒྱུའི་འཆར་གཞི་ཡོད་པ་རེད།

འཚོ་རྟེན་ལས་སྤྲོད་ཀྱི་ཀྲུང་དབྱང་གི་རྨང་གཞིའི་འཛུགས་སྐྲུན་མ་དངུལ་གཤམ་དུ་སྤྲད་པ་ལས་ས་གནས་དེ་གའི་གྲོང་གསེབ་ཀྱི་ངལ་རྩོལ་ནུས་ཤུགས་དང་། ཡོང་འབབ་དམའ་བའི་མང་ཚོགས། ལས་ཞུགས་དཀའ་བའི་ཚོགས་པ་གཞན་དག་བཅས་ལས་གྲྭའི་འཛུགས་སྐྲུན་ནང་སྔར་བས་བསྡུས་ཏེ། རང་ས་རང་ཡུལ་ནས་ལས་ཞུགས་འབབ་འཕར་ཐུབ་ནས་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་དང་གྲོང་གསེབ་དར་རྒྱས་ལ་རམ་འདེགས་བྱེད་པར་དགེ་མཚན་ལྡན་པའི་ནུས་པ་འདོན་རྒྱུ་རེད།

ཞིང་ཆེན་ནོར་སྲིད་ཐིང་གིས་ཞིང་ཆེན་འཕེལ་སྒྱུར་ཨུ་ལྷན་སོགས་ལས་རིགས་གཙོ་གཉེར་སྡེ་ཚན་དང་སྦྲེལ་མཐུད་བྱེད་ཤུགས་རྒྱུན་མཐུད་ཆེ་རུ་གཏོང་བ་དང་རྣམ་གྲངས་འཆར་འགོད་གསོག་འཇོག་སོགས་དུས་འགོའི་ལས་དོན་ཡག་པོ་སྒྲུབ་པར་གཞོགས་འདེགས་བྱས་ཏེ། མཚོ་སྔོན་ཞིང་ཆེན་ལ་ཀྲུང་དབྱང་མ་དངུལ་གྱི་རྒྱབ་སྐྱོར་དེ་བས་ཆེ་བ་བརྩོན་ལེན་ཧུར་ཐག་བྱ་རྒྱུ་རེད། དེ་དང་ཆབས་ཅིག མ་དངུལ་དོ་དམ་ལ་རྒྱུན་མཐུད་ཤུགས་སྣོན་བརྒྱབ་སྟེ་ཀྲུང་དབྱང་གི་རྨང་གཞིའི་འཛུཌ་སྐྲུན་མ་དངུལ་བེད་སྤྱོད་ཀྱི་ཕན་འབྲས་གང་ལེགས་འདོན་པར་འགན་ལེན་བྱ་རྒྱུ་རེད།