༄༅།།མཚོ་སྔོན་གྱི་མི་16རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཁག་དྲུག་པར་བདམས་པ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཟླ་3ཚེས་18ཉིན། མཚོ་སྔོན་ཞིང་ཆེན་རིག་གནས་དང་ཡུལ་སྐོར་ཐིང་ནས་གཏམ་བཟང་གྲགས་པར། ཉེ་ཆར། རིག་གནས་དང་ཡུལ་སྐོར་པུའུ་ཡིས་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཁག་དྲུག་པའི་མིང་ཐོ་ཁྱབ་བསྒྲགས་བྱས་ཤིང་། ཁྱོན་མི་942བདམས་པའི་ནང་མཚོ་སྔོན་གྱི་མི་16ཚུད་ཡོད་པ་རེད།

ཤེས་རྟོགས་བྱུང་བར་གཞིགས་ན། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཁག་དྲུག་པའི་མིང་ཐོར་ཁྱོན་མི་942ཡོད་ཅིང་། དམངས་ཁྲོད་རྩོམ་རིག་དང་། སྲོལ་རྒྱུན་རོལ་དབྱངས། སྲོལ་རྒྱུན་ཞབས་བྲོ། སྲོལ་རྒྱུན་ཟློས་གར། སྲོལ་རྒྱུན་མཛེས་རྩལ། སྲོལ་རྒྱུན་ལག་རྩལ། དམངས་སྲོལ་སོགས་རིགས་ཆེ་གྲས་ཁག་10ལ་ཁྱབ་ཡོད། མཚོ་སྔོན་ནས་བདམས་པའི་མི་16དེ་དག་ནི་སྲོལ་རྒྱུན་རོལ་དབྱངས་རིགས་ཏེ། སུང་པའོ་ཡོན། ཧྭ་ཨེར(ལའོ་ཡེ་ཧྲན་རི་བོའི་ཧྭ་ཨེར་འདུ་ཚོགས) མཚོ་སྔོན་ཞིང་ཆེན་ཏ་ཐུང་ཧུད་རིགས་ཧོར་རིགས་རང་སྐྱོང་རྫོང་ནས་ཡིན་པ་དང་། ཚེ་དཔལ་སྐྱབས། བོད་རིགས་ཀྱི་ལ་གཞས། མཚོ་ལྷོ་བོད་རིགས་རང་སྐྱོང་ཀྲོའུ་ནས་ཡིན་པ། མཱ་ཁྲེང་ཧའེ། ཧུད་རིགས་ཀྱི་གསོལ་སྟོན་གླུ་གཞས། མཚོ་བྱང་བོད་རིགས་རང་སྐྱོང་ཀྲོའུ་འཇུ་ལག་ཧུད་རིགས་རང་སྐྱོང་རྫོང་ནས་ཡིན་པ་རེད། སྲོལ་རྒྱུན་ཞབས་བྲོའི་རིགས་ཏེ། བཀྲ་ཤིས་ཚེ་རིང་། སྒོར་གཞས（ཡུལ་ཤུལ་གྱི་བྲོ） ཡུས་ཤུལ་བོད་རིགས་རང་སྐྱོང་ཀྲོའུ་ནས་ཡིན་པ་དང་། ལི་ཡུང་ཅུན། མཚོ་སྔོན་གྱི་རྒྱུད་སྙོམས་རོལ་ཆ། ཟི་ལིང་གྲོང་ཁྱེར་ནས་ཡིན་པ་རེད། སྲོལ་རྒྱུན་ལུས་རྩལ་དང་། རོལ་རྩེད། རྩལ་རྩེད་བཅས་ཀྱི་རིགས་ཏེ། ཀླུ་རྒྱལ་མཚན། སྲོལ་རྒྱུན་གྱི་མདའ་རྩལ(ལྷོ་རིའི་མདའ་རྩལ) མཚོ་ཤར་གྲོང་ཁྱེར་གྲོ་ཚང་ཆུས་ནས་ཡིན་པ་དང་། བཀྲ་ཝ། རྟ་རྩལ（ཡུལ་ཤུལ་གྱི་རྟ་རྩལ） ཡུལ་ཤུལ་བོད་རིགས་རང་སྐྱོང་ཀྲོའུ་ནས་ཡིན་པ་རེད། སྲོལ་རྒྱུན་མཛེས་རྩལ་རིགས་ཏེ། ཉི་མ། བོད་རིགས་ཀྱི་ཐང་ག（འཛོམས་ཉག་ཐང་ག） ཡུལ་ཤུལ་བོད་རིཌ་རང་སྐྱོང་ཀྲོའུ་ནས་ཡིན་པ་དང་། ཐུབ་བསྟན་འོད་ཟེར། བོད་རིགས་ཀྱི་ཐང་ག（པད་མའི་རྟའི་རྔ་མའི་འཚེམ་དྲུབ་ཐང་ག） མགོ་ལོག་བོད་རིགས་རང་སྐྱོང་ཀྲོའུ་པད་མ་རྫོང་ནས་ཡིན་པ། ཚེ་བརྟན་རྒྱལ། རྡོ་བརྐོས（རྩེ་ཁོག་ཧོར་དགོན་གྱི་རྡོ་བརྐོས） རྨ་ལྷོ་བོད་རིགས་རང་སྐྱོང་ཀྲོའུ་རྩེ་ཁོག་རྫོང་ནས་ཡིན་པ། ཆའོ་དབྱིན་ཅུས། ཧོང་ཀྲུང་གི་འཚེམ་དྲུབ། ཟི་ལིང་གྲོང་ཁྱེར་ཙོང་ཁ་ཆུས་ནས་ཡིན་པ། རྡོ་རྗེ་མཚོ། བོད་རིགས་ཀྱི་འཚེམ་དྲུབ（མང་རྫོང་གི་བོད་རིགས་ཀྱི་འཚེམ་དྲུབ） མཚོ་ལྷོ་བོད་རིགས་རང་སྐྱོང་ཀྲོའུ་མང་རྫོང་ནས་ཡིན་པ་རེད། སྲོལ་རྒྱུན་གྱི་ལག་རྩལ་རིགས་ཏེ། འོད་སྟོང་། སྲོལ་རྒྱུན་གྱི་སྦྲ་གུར་བསླད་འཐག་ལག་རྩལ（མཚོ་སྔོན་བོད་རིཌ་ཀྱི་སྦྲ་ནག་བསླད་འཐག་ལག་རྩལ） མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་ཐེམ་ཆེན་རྫོང་ནས་ཡིན་པ་རེད། དམངས་སྲོལ་རིགས་ཏེ། ཀྲའོ་ཧྲི་རུང་། དང་པོའི་བཅོ་ལྔའི་དུས་ཆེན（རྨ་ཆུའི་ཁུགས་པའི་གློག་སྒྲོན་ཡུལ་སྲོལ） མཚོ་ཤར་གྲོང་ཁྱེར་གྲོ་ཚང་ཆུས་ནས་ཡིན་པ་དང་། རྒྱ་ལྷ་འབུམ། བོད་རིགས་ཀྱི་གྱོན་ཆས། འཇུ་ལག་ཧུད་རིགས་རང་སྐྱོང་རྫོང་ནས་ཡིན་པ། ཝང་ཚའེ་ཧྭ། ཏེ་ཏུའུ་སོག་པོའི་ཆོན་ཤིས། མཚོ་ནུབ་སོག་རིགས་བོད་རིགས་རང་སྐྱོང་ཀྲོའུ་གཏེར་ལེན་ཁ་གྲོང་ཁྱེར་ནས་ཡིན་པ་རེད།