༄༅།།མཚོ་སྔོན་གྱིས་རིག་གནས་ཀྱི་རྨང་གཞི་བརྟན་དུ་བཏང་ནས་ཀྲུང་ལུགས（བོད་ཀྱི་གསོ་བ་རིག་པ）རྒྱུན་འཛིན་དང་། གསར་གཏོད། འཕེལ་རྒྱས་བཅས་ལ་སྐུལ་འདེད་བཏང་བ།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ལ་གསོན་ཤུགས་སྦྱིན་པ་དང་། ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ཀྱི་ཐོན་ཁུངས་སྔོག་འདོན། ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ཀྱི་འགུལ་ནུས་སྐྱེད་སྲིང་སོགས་བྱས་ཤིང་། ཉེ་ཆར་གསར་འགོད་པར་མཚོ་སྔོན་ཞིང་ཆེན་ཀྲུང་ལུགས（བོད་ཀྱི་གསོ་བ་རིག་པ）དོ་དམ་ཅུས་ནས་ཤེས་རྟོགས་བྱུང་བར། མཚོ་སྔོན་ཞིང་ཆེན་གྱིས་ཀྲུང་ལུགས（བོད་ཀྱི་གསོ་བ་རིག་པ）ཀྱི་ཁྱད་ལྡན་ལེགས་ཆ་གང་ལེགས་བཏོན་པའི་ཐོག་བྱེད་སྒོ་གཉེར་སྟངས་གསར་གཏོད་བྱེད་པ་དང་། ཞབས་ཞུའི་ནང་དོན་ཕུན་སུམ་ཚོགས་སུ་གཏོང་བ། སྨན་བཅོས་དྲག་སྐྱེད་ཐུབ་ཚད་མང་དུ་གཏོང་བ་སོགས་ཀྱི་བྱེད་སྟངས་བརྒྱུད་ཀྲུང་ལུགས（བོད་ཀྱི་གསོ་བ་རིག་པ）ཀྱི་ཕུལ་བྱུང་རིག་གནས་དར་སྤེལ་བཏང་ནས་མཚོ་སྔོན་ཞིང་ཆེན་གྱི་ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་རྒྱུན་འཛིན་དང་། གསར་གཏོད། འཕེལ་རྒྱས་བཅས་ཡོང་བར་བྱས་ཡོད།

མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ཀྱི་སློབ་གསོ་དྲིལ་བསྒྲགས་རྟེན་གཞི་བཙུགས་ནས་ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་སློབ་གྲྭར་ཁྱབ་གདལ་བཏང་བ་མ་ཟད། ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ལག་ལེན་མྱོང་རོལ་བྱེད་སྒོ་དང་ཀྲུང་ལུགས་ཀྱི་འཕྲོད་སྦྱོར་ལག་རྩལ་སྤྱད་ནས་གཞོན་ནུ་ལོ་ཆུང་གི་རྒྱང་སྒྲིབ་དང་། སྒལ་རུས་གུག་པ། རྒྱགས་པ་ཆགས་པ་སོགས་སྔོན་འགོག་དང་སྨན་བཅོས་བྱས་ཡོད།

ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ཀྱི་ནང་དོན་སྔོག་འདོན་གཏིང་ཟབ་བྱས་ནས“མངོན་མིན་རིག་གནས་ཤུལ་བཞག་དང་རྒྱུན་འཛིན་ཟུང་དུ་འབྲེལ་བ”དང་ “གསར་གཏོད་དང་བཅོས་ཐབས་ཟུང་དུ་འབྲེལ་བའི”འདུ་ཤེས་ལ་བརྟེན་ནས་ཀྲུང་ལུགས（བོད་ཀྱི་གསོ་བ་རིག་པ）ཀྱི་བདེ་ཐང་འཆད་ཁྲིད་བྱས་ཏེ། སྨན་བཅོས་ཀྱི་གཡུར་ཟའི་གྲུབ་འབྲས་ཐོག་ནས་ཀྲུང་ལུགས（བོད་ཀྱི་གསོ་བ་རིག་པ）ཀྱི་ཐུན་མོང་མ་ཡིན་པའི་ཉམས་འགྱུར་མངོན་པར་བྱས་ཡོད།

“ས་མཐོའི་ཀྲུང་ལུགས་གསོ་རིག”གི་སྤུས་རྟགས་གཏོད་རྒྱུ་དམིགས་ཡུལ་དུ་བྱས་ཏེ་རྨ་ཆུ་དང་ཙོང་ཆུའི་ལུས་གསོའི་ལྡེ་གུ་སྦྱོར་རྟའི་བྱེད་སྒོ་སྐབས་དྲུག་པ་བསྟུད་མར་གཉེར་ནས་ཀྲུང་ལུགས་གསོ་རིག་གི་ལུས་གསོའི་སྨན་བཅོས་ནུས་པ་དང་ཆུ་ཚད་མཐོ་རུ་ཤུགས་ཆེན་བཏང་ཡོད། བོད་ཀྱི་སྲོལ་རྒྱུན་དུས་ཆེན་དང་བསྟུན་ནས་བོད་ཀྱི་གསོ་བ་རིག་པའི་རིག་གནས་མཚན་ཁྲོམ་དང་། སྨན་རྒྱུ་ངོས་འཛིན། ལུམས་བཅོས་སོགས་ཁྱད་ལྡན་བྱེད་སྒོ་སྤེལ་ནས་ས་མཐོའི་མང་ཚོགས་ལ་སྤུས་ལེགས་དང་ཕན་ནུས་ལྡན་པའི་བོད་ཀྱི་གསོ་བ་རིག་པའི་བདེ་ཐང་ཞབས་ཞུ་སྤེལ་ནས་མང་ཚོགས་ཀྲུང་ལུགས（བོད་ཀྱི་གསོ་བ་རིག་པ）ཀྱི་རིག་གནས་ནང་ཞུགས་པའི་ཚོར་སྣང་དང་ཐོབ་སྣང་ཆེ་རུ་བཏང་ཡོད།

(པ་སངས་ཚེ་རིང་གིས་སྒྱུར་ཞུས་བྱས)