གསར་འགྱུར་སྤེལ་དུས། 【2025ལོའི་ཟླ་ 03ཚེས་18ཉིན། 14:02】 ཡོང་ཁུངས།:མི་དམངས་ཉིན་རེའི་ཚགས་པར། (རྩོམ་སྒྲིག་འགན་འཁུར་པ། མཁའ་འགྲོ།)
འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར། གསར་འགོད་པར་བོད་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་ཤེས་རྟོགས་བྱུང་བར། 2024ལོར་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མ་4047ལྗོངས་ཕྱིར་སྤུས་ཚད་མཐོ་པོས་ལས་ཞུགས་ཐུབ་ཡོད།
སྔར་ནས་བཟུང་། བོད་རང་སྐྱོང་ལྗོངས་ཀྱིས་ཁ་གཏད་བོད་སྐྱོར་ཞིང་ཆེན་དང་། གྲོང་ཁྱེར། བོད་སྐྱོར་ཀྲུང་དབྱང་ཁེ་ལས་བཅས་དང་འབྲེལ་གཏུག་བྱ་རྒྱུར་ཤུགས་སྣོན་དང་དེར་ལས་མི་བསྡུ་བའི་བོད་རང་སྐྱོང་ལྗོངས་ཀྱི་མཐོ་སློབ་སློབ་ཐོན་སློབ་མ་ཆེད་ལས་ཆ་སྒྲིག་ཚད་མཐོ་རུ་བཏང་ནས་ལྗོངས་ཕྱིའི་ལས་ཞུགས་ལས་གནས་ཁྲི་2.2བརྩོན་ལེན་བྱས་པའི་ནང་། ལས་ཁུངས་དང་བྱ་གཞག་ཚན་པའི་ལས་གནས་1083ཚུད་ཡོད། ཅང་སུའུ་དང་ཅི་ལིན་སོགས་ཞིང་ཆེན་གྱིས“ལྷུག་གཏོང་གསུམ་གྱི་སྲིད་ཇུས”(སློབ་རྒྱུས་དང་། ཆེད་ལས། ལས་གནས་བཅས་གསུམ་ལྷུག་གཏོང)བཟོས་ནས་ལས་མི་བསྡུ་བའི་ཚད་གཞི་འོས་འཚམ་དམའ་རུ་བཏང་བ་མ་ཟད། ཀྲུང་གོ་ཧྭ་གློག་ཚོགས་པ་ཚད་ཡོད་ཀུང་སིར་མཐུན་སྦྱོར་བྱས་ནས“གཏན་འཁེལ་གསུམ”(སློབ་བསྡུ་དང་། གསོ་སྦྱོང་། ལས་བཀོད་བཅས་གཏན་འཁེལ)གྱི་བྱེད་སྟངས་སྤྱད་དེ་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མ་ལྗོངས་ཕྱིར་ལས་ཞུགས་ཐུབ་པར་རྒྱབ་སྐྱོར་བྱས་ཡོད།
བོད་རང་སྐྱོང་ལྗོངས་ཀྱིས《མཐོ་སློབ་སློབ་ཐོན་སློབ་མའི་ལས་ཞུགས་ལས་གཏོད་ལ་སྐུལ་འདེད་གཏོང་རྒྱུའི་སྐོར་གྱི་བསམ་འཆར་འགའ་ཞིག》བཏོན་ནས་སྤྱི་ཚོགས་འགན་བཅོལ་དང་། ཁྱིམ་འཛུགས་འགྲོ་གྲོན་སོགས་ལ་རོགས་རམ་ཁ་གསབ་ཁྱོན་སྒོར་དུང་ཕྱུར་9.8སྤྲད་པ་དེས་མཐོ་སློབ་སློབ་ཐོན་སློབ་མ་ཁྲི་3.8ལྷག་ཙམ་ལ་ཕན་པ་ཐོབ་ཡོད་པ་དང་། ད་དུང་བོད་སྐྱོར་ཞིང་ཆེན་དང་གྲོང་ཁྱེར་ལ་མཐུན་སྦྱོར་བྱས་ནས་སྡོད་ཁང་དང་། ཐེམ་ཐོ་བཟོ་བ། འཁོར་ཞག་འགྲོ་བ། བུ་ཕྲུག་སློབ་གྲྭར་གཏོང་བ་སོགས་ལའང་ལྗོངས་ཕྱིར་ལས་ཞུགས་བྱེད་པའི་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མར་དོ་ཁུར་དང་གཅེས་སྐྱོང་སྔར་བས་ལྷག་པ་བྱས་པས། མཐོ་སློབ་སློབ་ཐོན་སློབ་མ་ལྗོངས་ཕྱིར་ལས་ཞུགས་ཀྱི་སྲིད་ཇུས་ལ་རྒྱབ་སྐྱོར་བྱེད་པའི་སྲིད་ཇུས་ལེགས་བསྡུས་ཅན་དང་ཁ་གསབ་སྤྲོད་རེས་རྣམ་པའི་མ་ལག་ཅིག་ཆགས་ཡོད་པ་རེད།