༄༅།།འཁྱུག་དབྱིངས་སོགས་ཀྱིས་མེད་པར་བཟོས་འདུག 

    ཟླ་2ཚེས་10ཉིན་འཁྱུག་དབྱིངས་དང་མགྱོགས་འཕྲིན་གཞུང་ཕྱོགས་ཀྱིས་སྒྲིག་འགལ་བརྙན་ཐུང་བཅོས་སྐྱོང་སྤྱི་བསྒྲགས་སོ་སོར་ཁྱབ་བསྒྲགས་བྱས་པ་རེད།

   འཁྱུག་དབྱིངས་ཀྱིས་སྤྱི་བསྒྲགས་ཁྱབ་བསྒྲགས་བྱས་དོན། བརྙན་ཐུང་གི་ནང་དོན་བཅོས་སྐྱོང་ལ་མུ་མཐུད་སྐུལ་འདེད་གཏོང་བ་དང་། སྤུས་ལེགས་བརྙན་ཐུང་ལ་སྐུལ་ལྕག་དང་ཁྱབ་གདལ་གཏོང་བ། རིན་ཐང་ལྟ་བའི་ཁྲིད་སྟོན་མི་ལེགས་པ་དང་། སྤྱི་སྒྲིག་སྲོལ་བཟང་དང་འགལ་བ། ཐ་ཤལ་གྱི“སྐབས་གླགས་འཚོལ་བ”སོགས་སྒྲིག་འགལ་ནང་དོན་ཡོད་པའི་བརྙན་ཐུང་དང་དེ་བཞིན་འབྲེལ་ཡོད་སྒྲིག་འགལ་རྩིས་ཐོའི་ཨང་གྲངས་མུ་མཐུད་བཅོས་སྐྱོང་བྱ་རྒྱུ་ཡིན། ཟླ་དང་པོར། བསྡོམས་རྩིས་བྱས་ན་ལས་སྟེགས་ཀྱིས་སྒྲིག་འགལ་བརྙན་ཐུང་585མེད་པར་བཟོས་པ་དང་། ཞིབ་དཔྱད་དུས་མཚམས་སུ་འབོར་ཆེན་བཀག་འགོག་བྱས་ནས་དྲ་ཐོག་ཏུ་བསྟན་མེད་ཅིང་། ཁག་གཅིག་བསྐྱར་ཞིབ་བྱས་ནས་མེད་པར་བཟོས་པ་རེད།

   མགྱོགས་འཕྲིན་གྱིས་སྤྱི་བསྒྲགས་སྤེལ་དོན། ལས་སྟེགས་ཀྱིས་ཞིབ་བཤེར་དང་སྐོར་ཞིབ་བྱེད་སྐབས་བརྙན་ཐུང་ཁག་གཅིག་གི་ཁ་བྱང་ངན་པ་དང་སྟོན་ཕྱོགས་ནོར་འཛོལ་ཡོད་པ་མ་ཟད། སྒྲིག་འགལ་བརྙན་ཐུང“སྟོད་གོས་བརྗེ་”ནས་ཁྱབ་སྤེལ་བྱ་སྤྱོད་ཡོད་པས། སྡེ་ཁུལ་གྱི་བདེ་ཐང་སྣོད་བཅུད་ལ་གཏོར་བཤིག་བཏང་བ་ཤེས་རྟོགས་བྱུང་བ་རེད། དྲ་རྒྱའི་བལྟ་ཉན་དོ་དམ་གྱི་འབྲེལ་ཡོད་བླང་བྱ་དང་སྡེ་ཁུལ་གྱི་སྒྲིག་སྲོལ་གཞིར་བཟུང་ནས། ལས་སྟེགས་ཀྱིས་རིམ་རྩིས་བྱས་ན་སྒྲིག་འགལ་བརྙན་ཐུང་སྟོང་ཕྲག་ལྷག་ཙམ་བཀག་འགོག་དང་། བཅོས་སྒྲིག ཕྱིར་འཐེན་བཅས་བྱས་པ་དང་། སྒྲིག་འགལ་ཚབས་ཆེན་གྱི་གནས་ཚུལ་ཡོད་པའི་བརྙན་ཐུང་དྲ་རྒྱའི་བརྙན་ཐུང་གི་“མིང་ཐོ་ནག་པོའི”ཁྲོད་དུ་བཀོད་ཡོད།