༄༅།།“མཁའ་ལམ”དུ་སྐྱེལ་འདྲེན་ལས་ལ་གཞོལ་བ།

    ལོ་ཆུང་ཉིན། ལོ་49ལ་སླེབས་པའི་ཀེ་ཅུན་ལས་བཟོའི་ཚོགས་ཆེན་གྲོལ་མ་ཐག་མཚོ་སྔོན་ཞིང་ཆེན་མོང་ཡ་གྲོང་ཁྱེར་ལ་སྐྱོད་པའི་ལམ་དུ་བཞུད།

    ཀེ་ཅུན་ལོ་35ཟིན་པའི་ཤ་དར་ཁྲག་དར་གྱི་སྐབས་སུ། གོར་མོའི་སྦྲག་ལས་ཀུང་སིས་བར་ཐག་སྤྱི་ལེ་500ཙམ་ཟིན་པའི་གདང་ལ་གྲོང་རྡལ་ལ་སྦྲག་སྐྱེལ་གྱི་ལམ་ཐིག་ཤར་གཏོང་བྱས་ཤིང་། “དེ་དུས་ང་ཚོའི་ཚན་པར་བུད་མེད་ལས་བཟོ་ཧ་ཅང་མང་ལ། ལམ་དེར་འགྲོ་དཀའ་བ་དང་ས་བབ་མཐོ་བས། མི་མང་པོས་འགྲོ་འདོད་བྱེད་ཀྱི་མེད”ཀྱང་། “ང་འགྲོ་གི་ཡིན”ཞེས་ཀེ་ཅུན་གྱིས་འགན་འཁྲི་དང་དུ་བླངས་ནས་དེ་ལྟར་བཤད།

    དེ་དུས་ཁོང་གི་ཕྲུ་གུ་སྐྱེས་མ་ཐག་ཡིན་སྟབས། ཁྱིམ་མིས་ཁ་ཏ་ཇི་ལྟར་བྱས་ཀྱང་། ཀེ་ཅུན་གྱིས་སྔར་བཞིན་རླངས་འཁོར་བཏང་ནས་རྡོག་ཐོན་བྱས་ཤིང་། ལྷོ་རིའི་ཉག་ཁ་དང་། ནཱ་ཁྲེ་ཐའེ། ཁུ་ནུ་ཉག་ཁ། སྨུག་པ་ལ་སྒང་། བ་ཡན་མདུང་རྩེ། ཨར་ཏའོ་ཀོའུ་སོགས་ས་ཆ་གང་དུ་བསླེབས་ཀྱང་རང་བྱུང་ས་གཤིས་ཀྱི་ཆ་རྐྱེན་ཧ་ཅང་ཞན་པོ་ཡོད། ཁོང་གིས་རླངས་འཁོར་བཏང་ནས་ཐེངས་དང་པོ་སྐྱོད་སྐབས་རླངས་འཁོར་ཀོང་དོང་ནང་ཟགས་ཤིང་། “སྟབས་ལེགས་པ་ཤིག་ལ་འབྲོག་པ་སེམས་བཟང་ཅན་བཅུ་གྲངས་འགས་ང་ལ་རོགས་པ་བྱས་བྱུང”

    མི་རིང་བའི་གོང་། ངས་དེ་སྔོན་ཀེ་ཅུན་སྐྱོད་སའི་ལམ་ལ་ཐེངས་ཤིག་བསྐྱོད་པ་ཡིན། དགུན་ཁའི་ཁུ་ཁུ་ཤིས་རིའི་ཡུལ་ལྗོངས་ཐུན་མོང་མ་ཡིན་པ་ཞིག་ཡོད་པ་སྟེ། ཟླ་བ་གཡུ་འབྲུག་རི་རྩེ་ནས་འཆར་བ་དང་། གཙོད་དང་། རྐྱང་ཁྱུ་བྱས་ནས་གངས་རིའི་འདབས་སུ་རྒྱུ་ནའང་། དེར་ལམ་ཀོང་ཀོང་དང་འབར་འབུར་མང་བས་རླངས་འཁོར་གཏོང་དཀའ་བ་ཞིག་འདུག

    ཀེ་ཅུན་གྱི་བློ་ངོར། ཁོང་གིས་གདང་ལ་གྲོང་རྡལ་ཞེས་པའི་ས་མིང་གསལ་ལ་མི་གསལ་དེ་ལ་བརྟེན་ནས་ལྕགས་ཁང་དེ་རྙེད་པ་དང་སྐུར་མ་ལེན་མཁན་བག་གྲོས་མྱུར་སྐྱེལ་བསྐུར་མ་ཁ་ཕྱེ་ནས་ལྟ་སྐབས་རང་དབང་མེད་པར་མིག་ཆུ་ཤོར་བ་གསལ་ལེར་དྲན་ལ། དགུན་ཁར་འབྲོག་པ་སྐྲ་ཡག་ཁྱིམ་གྱི་ལོ་གཅིག་ལ་སླེབས་པའི་ཕྲུ་གུ་ཞིག་གློ་བུར་དུ་ཚ་བ་རྒྱས་སྐབས་རང་ཉིད་ཀྱིས་མཚན་མོར་རླངས་འཁོར་བཏང་ནས་ནམ་སྐྱ་གཏོང་སྐབས་གཞི་ནས་སྨན་ཁང་དུ་སྐྱེལ་ཐུབ་པ་བྱུང་བ་བརྗེད་མེད་པ་མ་ཟད། ཐེངས་ཤིག་ལ་ཁྱིམ་དུ་ལོག་པའི་ལམ་དུ་སྡོད་སའི་རླངས་འཁོར་གྱི་སྒེའུ་ཁུང་ནས་རླུང་བུ་འཚངས་ཏེ་ཁོང་གི་དཔུང་པ་གཡོན་པའི་ན་ཚ་ལངས་ནས་ན་ཟུག་མི་བཟོད་པར་གོར་མོ་སྨན་ཁང་དུ་སྐྱོད་སྐབས། ཐང་ཆུ་སྒྲོག་བཞིན་པའི་བཟའ་ཟླ་དང་ཐུག་སྟེ། སྐད་ཅིག་མར་སྤྱན་མིག་དཀྲི་གའི་འོག་ནས་བརྩེ་དུང་གི་མདུད་པས་བཅིངས་ཤིང་།“ངེད་གཉིས་ནི‘གཏམ་བཟང་ལ་དགའ་བ་ལས་གཏམ་ངན་ཤོད་རྒྱུར་མི་དགའ་བ’ཞིག་ཡིན་པས། གཉིས་ཀ་དཀའ་སྡུག་ལ་བསམ་ཤེས་ཐུབ་མཁན་ཞིག་ཡིན་པ་ཤེས”

    2022ལོར“མཁའ་ལམ”དུ་སྐྱེལ་འདྲེན་ལས་ལ་གཞོལ་ནས་ལོ་11ཕྱིན་པའི་ཀེ་ཅུན་གོར་མོ་ནས་མོང་ཡ་གྲོང་ཁྱེར་བར་གྱི་ཆེད་སྐྱོད་ལམ་ཐིག་ཏུ་སྐྱོད་མཁན་ཞིག་ཏུ་གྱུར་ཞིང་། མྱ་ངམ་ཐང་གི་དགུན་ཁ་ནི་མུ་མཐའ་མེད་པའི་ས་སེར་མདོག་ཅིག་ཡིན་པ་དང་། བརྗིད་ཉམས་ལྡན་པའི་ཁུ་ནུ་རི་བོའི་ནུབ་ཏུ་ལམ་ཐག་སྤྱི་ལེ་500ཙམ་སྐྱོད་དགོས་ཀྱི་ཡོད། ལོ་གསུམ་རིང་། ཀེ་ཅུན་གྱིས་ལམ་ཐིག་དེར་རྒྱུས་ལོན་ཟབ་མོ་བྱུང་ཡོད་པ་སྟེ། ཀྲུང་ཙའོ་ཧུའོ་དང་། ཝུའུ་ཐུའུ་མེ་རིན། མོང་ཡ་རྙིང་པ། ཧོང་ཀྭ་ལེང་སོགས“ལམ་ཐིག་དེ་དག་ལ་ཁྱད་ཆོས་ཤིག་ཡོད་པ་ནི་གཞན་ལ་དཔེ་བལྟ་ས་གཏན་ནས་མེད་པ”དང་། ཕྱོགས་བཞི་ཚང་མར་ཚ་བ་ཆེ་བ་དང་མུ་མཐའ་མེད་པའི་བྱེ་ཐང་ཡིན་པས། སྤྱི་ལེ་བརྒྱ་ལྷག་ཙམ་གྱི་སར་མི་མེད་ལུང་སྟོང་ཡིན་པ་རེད།

     “ཁྱེད་ཀྱི་མཚོ་བོད་གཞུང་ལམ་དུ་སྐྱེལ་འདྲེན་བྱས་ནས་ལོ་མང་པོ་འདི་ལྟར་ཕྱིན་ཡོད། ད་ཆ་མོང་ཡར་བསྐྱོད་པའི་ལམ་ཐིག་ཏུ་སྔར་བཞིན་དཀའ་བ་སྤྱད་བཞིན་ཡོད་པས། གོར་མོའི་ལས་ཁུངས་ཤིག་ཏུ་ལས་ཀ་འཚོལ་རྒྱུའི་བསམ་བློ་གཏན་ནས་འཁོར་མྱོང་མེད་དམ”ཞེས་འདྲི་སྐབས། ཀེ་ཅུན་གྱིས་མགོ་གཡུག་གཡུག་བྱས་ནས“གལ་སྲིད་ཐོབ་ཆ་མང་ཉུང་ལ་བསམ་བློ་བཏང་དྲགས་ཚེ། ‘མཁའ་ལམ’དུ་སྐྱེལ་འདྲེན་ལས་ལ་གཞོལ་ཐབས་འབྲལ་བ་རེད། ང་ད་ལྟའི་མོང་ཡར་བསྐྱོད་སའི་ལམ་ཐིག་དེར་ཧ་ཅང་དགའ་པོ་ཡོད། དོན་ངོ་མར་བཤད་ན་ལས་ཀ་དེ་གུ་ཡངས་པོ་འདུག དེར་སྲོག་ཆགས་དང་གངས་རི་ཉུང་ཡང་མོང་གྲོང་གི་བློ་མཐུན་དང་ཁོ་བོས ‘ཐང་རྒོད་ཡིན་ཡང་རང་ཉིད་དགའ་བ་སྟེ། དེར་ཁེར་རྐྱང་ཡིན་ལ་རང་དབང་ལྡན’ཞེས་རྟག་ཏུ་བཤད་པ་བཞིན་རེད”ཅེས་ཚིག་འགའི་ནང་བསྡུས་ཏེ་བཤད།