༄༅།།དིང་རི་རྗོང་ལ་གྱོན་ཆས་4000ལྷག་རོགས་སྐྱོར་བྱས་འདུག 

གསར་འགོད་པས་ཟླ་དང་པོའི་ཚེས་25ཉིན་འཕྲལ་བསྟུན་དོ་དམ་པུའུ་ནས་ཤེས་རྟོགས་བྱུང་བ་ལྟར་ན། ཉིན་དེར་རྒྱལ་ཁབ་གནོད་འགོག་གེགས་སེལ་རྒུད་སྐྱོབ་ཨུ་ཡོན་ལྷན་ཁང་གཞུང་ལས་ཁང་དང་། འཕྲལ་བསྟུན་དོ་དམ་པུའུ་ཡིས་འཕྲལ་བསྟུན་དངོས་ཟོག་ཆབ་སྲིད་དང་སྤྱི་ཚོགས་མཐུན་སྦྱོར་འགན་སྲུང་ལམ་སྲོལ་བརྒྱུད། གུང་གཞོན་ཚོགས་པ་ཀྲུང་དབྱང་མཐུན་སྦྱོར་ཐེབས་རྩ་ལྷན་ཚོགས་ཀྱི་གེགས་སེལ་མཐུན་སྦྱོར་ལྷན་ཚོགས་དང་། ཨའེ་ཏེ་ཐེབས་རྩ་ལྷན་ཚོགས། ཀྲུང་ཧྭ་སི་ཡོན་ལས་གྲྭ་ཐེབས་རྩ་ལྷན་ཚོགས་སོགས་དང་མཉམ་དུ་གནོད་ཁུལ་ལ་སྲིང་བལ་ལྭ་བ་དང་། དོར་མ། དྲོད་སྲུང་ནང་ལྭ། ལག་ཤུབས། ཞྭ་མོ། སྲིང་ལྷམ་སོགས་ཚུད་པའི་བྱིས་པའི་གྱོན་ཆས་ཁུག་མ་ཆ་ཚང་4000ལྷག་ཙམ་ཞལ་འདེབས་ཕུལ་ནས། གནོད་ཁུལ་གྱི་བྱིས་པ་དྲོ་སྐྱིད་དང་ཞི་མཐུན་ངང་དགུན་དུས་དང་དུས་ཆེན་སྐྱིད་པོ་རོལ་བར་སྔར་ལས་འགན་སྲུང་བྱས་ཡོད།

ཤེས་རྟོགས་བྱུང་བར་གཞིགས་ན། བོད་ལྗོངས་དིང་རི་རྫོང་གི་ས་ཡོམ་རིམ་པ་6.8ཀྱི་ཡོམ་འགོག་རྒུད་སྐྱོབ་ལས་དོན་ཕྱོགས་ཡོངས་ནས་བར་བརྒལ་བཀོད་སྒྲིག་དང་། གེགས་རྗེས་བསྐྱར་སྐྲུན་གྱི་དུས་མཚམས་སུ་བསྒྱུར་ནས་གནོད་འཚེ་ཐེབས་པའི་མང་ཚོགས་གོ་རིམ་ལྡན་པའི་སྒོ་ནས་གནས་སྐབས་སྡོད་ཁང་ནང་བཀོད་སྒྲིག་བྱས་པ་དང་། དངོས་ཟོག་སྣ་ཚོགས་མཁོ་སྤྲོད་འདང་ངེས་ཡོད་པ་རེད།