༄༅།།འགོ་ཁྲིད་འདི་བཟུང་འདུག 

ཀྲེ་ཅང་ཞིང་ཆེན་ཧང་ཀྲོའུ་གྲོང་ཁྱེར་སྲིད་གྲོས་ཏང་ཙུའུ་ཡི་དེ་སྔའི་ཧྲུའུ་ཅི་གཞོན་པ་དང་ཀྲུའུ་ཞི་གཞོན་པ་ཀྲང་ཧུང་ཅན（ཐིང་རིམ་པ་རྒན་པ）ལ་ལྐོག་རྔན་བླངས་པ་དང་དབང་ཤུགས་ལ་བརྟེན་ནས་ལྐོག་རྔན་བླངས་པའི་དོགས་གཞི་ཡོད་པའི་གྱོད་གཞི་དེ་ཀྲེ་ཅང་ཞིང་ཆེན་ལྟ་ཞིབ་ཨུ་ཡོན་ལྷན་ཁང་གིས་བརྟག་དཔྱད་མཇུག་བསྒྲིལ་ནས། ཞིབ་དཔྱོད་ལས་ཁུངས་ལ་ཞིབ་བཤེར་དང་ཞུ་གཏུག་བྱ་རྒྱུར་བསྐྱལ་བ་རེད། ཉིན་ཤས་གོང་། ཀྲེ་ཅང་ཞིང་ཆེན་མི་དམངས་ཞིབ་དཔྱོད་ཁང་གིས་ཁྲིམས་ལྟར་ལྐོག་རྔན་བླངས་པའི་ཉེས་པ་དང་དབང་ཤུགས་ལ་བརྟེན་ནས་ལྐོག་རྔན་བླངས་པའི་བྱས་ཉེས་ཀྱི་དོགས་གཞི་ཡོད་པའི་ཐོག་ནས་ཀྲང་ཧུང་ཅན་འཛིན་རྒྱུའི་ཐག་བཅད། གྱོད་དོན་འདི་སྔར་ལས་ཐག་གཅོད་བྱེད་བཞིན་ཡོད།