༄༅།།ཁ་བ་ཆེན་པོ་འབབ་རྒྱུའི་ཉེན་བརྡ་བཏང་འདུག

 ཀྲུང་དབྱང་གནམ་གཤིས་ལས་ཁུངས་ཀྱིས་ཟླ་དང་པོའི་ཚེས་26ཉིན་གྱི་ཆུ་ཚོད་06པའི་ཐོག་ཁ་བ་ཆེན་པོ་འབབ་རྒྱུའི་ཉེན་བརྡ་སྔོན་པོ་བཏང་གསལ་དུ།

སྔོན་དཔག་བྱས་ན། ཟླ་དང་པོའི་ཚེས་26ཉིན་གྱི་ཆུ་ཚོད་8པ་ནས་ཟླ་དང་པོའི་ཚེས་27ཉིན་གྱི་ཆུ་ཚོད་8པའི་བར། ནང་སོག་གི་ཤར་རྒྱུད་དང་། ལིའོ་ཉིང་། ཅི་ལིན་གྱི་ལྷོ་རྒྱུད། ཧྲན་ཏུང་ཕྱེད་གླིང་གི་བྱང་རྒྱུད་སོགས་ས་ཁུལ་ཁ་ཤས་སུ་ཁ་བ་ཆེན་པོ་འབབ་རྒྱུ་ཡིན་ཞིང་། དེའི་ནང་ལིའོ་ཉིང་གི་ཤར་རྒྱུད་ས་ཁུལ་ཁག་ཅིག་ཏུ་ཁ་བ་ཆེན་པོ་（ཧའོ་སྨི་20ནས་25བར་）འབབ་རྒྱུ་རེད། གོང་གི་ས་ཁུལ་ཁག་ཅིག་ཏུ་གངས་གསོག་ཐེབས་ཚད་ལི་སྨི་3ནས་8བར་མང་དུ་འགྲོ་རྒྱུ་ཡིན་ཞིང་། ས་ཁུལ་ཁག་ཅིག་ཏུ་ལི་སྨི་10ནས་12བར་ཟིན་སྲིད།

འགོག་སྲུང་ཕྱོགས་སྟོན།

གཅིག སྲིད་གཞུང་དང་དེ་བཞིན་འབྲེལ་ཡོད་སྡེ་ཁག་གིས་འགན་འཁྲི་གཞིར་བཟུང་། གངས་སྐྱོན་དང་འཁྱགས་འགོག་གནོད་འགོག་གི་གྲ་སྒྲིག་ལས་དོན་ཡག་པོར་སྒྲུབ་དགོས།

གཉིས། འགྲིམ་འགྲུལ་དང་། ལྕགས་ལམ། གློག་ཤུགས། འཕྲིན་གཏོང་སོགས་སྡེ་ཁག་གིས་གཞུང་ལམ་དང་། ལྕགས་ལམ། ལམ་ཐིག་བཅས་ལ་སྐོར་ཞིབ་དང་སྲུང་སྐྱོང་བྱེད་དགོས་པ་དང་། གཞུང་ལམ་གཙང་ཕྱགས་དང་ཁ་བ་བཞུ་བའི་ལས་ཀ་ཡག་པོར་སྒྲུབ་དགོས།

གསུམ། རྐང་ཐང་བས་གྲང་འགོག་འདྲེད་འགོག་ལ་དོ་སྣང་བྱེད་པ་དང་། ཁ་ལོ་བས་རླངས་འཁོར་གཟབ་གཟབ་གཏོང་བ། རླངས་འཁོར་ལ་འདྲེད་འགོག་གི་བྱེད་ཐབས་སྤྱོད་དགོས།

བཞི། ཞིང་འབྲོག་ཁུལ་དང་འདེབས་འཛུགས་གསོ་ཚགས་ལས་རིགས་ཀྱིས་གཟན་ཆས་གྲབས་གསོག་བྱས་ཏེ། གངས་སྐྱོན་དང་འཁྱགས་འགོག་གནོད་འགོག་གི་གྲ་སྒྲིག་ཡག་པོར་བྱེད་དགོས།

ལྔ། སྤྱིལ་སྒྲོམ་སོགས་གངས་ཀྱིས་གནོན་སླ་བའི་གནས་སྐབས་ཀྱི་རྩིག་པ་བརྟན་དུ་གཏོང་དགོས།