༄༅།།ན་ནིང་ཞིབ་འཇུག་གསར་སྤེལ་ལ་གྲོན་དངུལ་སྒོར་དུང་ཕྱུར་ཁྲི་3.6ལྷག་ཙམ་བཏང་བ།

    འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། གསར་འགོད་པས་རྒྱལ་ཁབ་བསྡོམས་རྩིས་ཅུས་ནས་ཤེས་རྟོགས་བྱས་པར། 2024ལོར་རང་རྒྱལ་གྱི་སྤྱི་ཚོགས་ཡོངས་ཀྱི་ཞིབ་འཇུག་དང་ཚོད་ལྟའི་འཕེལ་རྒྱས（R&D）ལ་གྲོན་དངུལ་སྒོར་དུང་ཕྱུར་36130བཏང་བ་དེ་དུས་མཚུངས་ལས་8.3%འཕར་ཡོད། རང་རྒྱལ་གྱི་ཚན་རྩལ་གསར་གཏོད་ལ་རྒྱབ་སྐྱོར་བྱེད་པའི་སྲིད་ཇུས་མ་ལག་རྒྱུན་ཆད་མེད་པར་འཐུས་སྒོ་ཚང་དུ་ཕྱིན་པ་དང་། སྣ་མང་ཅན་གྱི་མ་དངུལ་གཏོང་སྟངས་མགྱོགས་མྱུར་འཛུགས་པ། ཁེ་ལས་ཀྱི་ཚན་རྩལ་གསར་གཏོད་ཀྱི་བྱེད་པོའི་གནས་བབ་རྒྱུན་ཆད་མེད་པར་ཆེ་རུ་བཏང་ནས། ཞིབ་འཇུག་གསར་སྤེལ་གྱི་གྲོན་དངུལ་རྒྱུན་མཐུད་འཕར་བར་འདེགས་སྐྱོར་ནུས་ལྡན་བྱས་ཡོད།

    ཞིབ་འཇུག་གསར་སྤེལ་གྱི་གྲོན་དངུལ་རྒྱུན་མཐུད་མང་དུ་་བཏང་ཡོད་ཅིང་། 2024ལོར་རང་རྒྱལ་གྱི་ཞིབ་འཇུག་གསར་སྤེལ་ལ་གྲོན་དངུལ་གཏོང་ཚད(ཞིབ་འཇུག་གསར་སྤེལ་གྱི་གྲོན་དངུལ་དང་GDPཡི་བསྡུར་གྲངས)2.68%ཟིན་ནས་བརྟན་པོའི་ངང་མཐོ་རུ་འགྲོ་བའི་རྣམ་པ་རྒྱུན་འཁྱོངས་ཐུབ་ཡོད།

    རྨང་གཞིའི་ཞིབ་འཇུག་ལ་མ་དངུལ་གཏོང་ཚད་ཅུང་འཕར་མགྱོགས་ཙམ་བྱུང་ཡོད། 2024ལོར་རང་རྒྱལ་གྱི་རྨང་གཞིའི་ཞིབ་འཇུག་ལ་གྲོན་དངུལ་སྒོར་དུང་ཕྱུར་2497བཏང་བ་དེ་དུས་མཚུངས་ལས་10.5%འཕར་ཡོད།