༄༅།།ས་གནས་བརྟན་སྲུང་བྱས་ནས་ལས་གྲྭའི་མྱུར་ཚད་འགན་ལེན་བྱེད་པ།

འདི་ནི་ཟླ་1ཚེས་23ཉིན། ཅང་ཡུའེ་ལུང（གཡས་ཀྱི་གཉིས་པ）དང་ལས་རོགས་ཚོས་ཧོ་པེ་ཞིང་ཆེན་ཁྲེང་ཏེ་གྲོང་ཁྱེར་ཝེ་ཁྲང་མན་ཇུ་རིགས་སོག་རིགས་རང་སྐྱོང་རྫོང་གི་ལྕགས་གདུང་བརྗེ་བའི་ལས་ཡུལ་དུ་ལས་ཀ་བྱེད་བཞིན་པ།

མིག་སྔར། པེ་ཅིང་ནས་ཐུང་ལེའོ་བར་གྱི་ལྕགས་ལམ་གྱི་ལྕགས་གདུང་བརྗེས་ནས་མེ་འཁོར་གྱི་མྱུར་ཚད་མགྱོགས་སུ་གཏོང་བར་གྲ་སྒྲིག་བྱེད་བཞིན་ཡོད། ཀྲུང་གོ་ལྕགས་ལམ་ཅུས་ཉེར་གཉིས་པའི་པེ་ཅིང་ནས་ཐུང་ལེའོ་བར་གྱི་ལྕགས་ལམ་གྱི་ནུས་པ་རྒྱ་སྐྱེད་དང་སྒྱུར་བཀོད་ལས་གྲྭའི་རྣམ་གྲངས་ཀྱི་འགན་འཁུར་བ་ཅང་ཡུའེ་ལུང་གིས་ཚོགས་པའི་སྣེ་ཁྲིད་དེ་ཧོ་པེ་ཞིང་ཆེན་ཁྲེང་ཏེ་གྲོང་ཁྱེར་ཝེ་ཁྲང་མན་ཇུ་རིགས་སོག་རིགས་རང་སྐྱོང་རྫོང་དུ་བཅའ་སྡོད་ཀྱིས་ལྕགས་ལམ་གྱི་ལྕགས་གདུང་96བརྗེས་ནས་ལམ་ཐིག་ཧྲིལ་པོའི་མྱུར་ཚད་མགྱོགས་སུ་བཏང་རྗེས་མེ་འཁོར་འཁོར་སྐྱོད་བདེ་འཇགས་འགན་ལེན་བྱེད་ཀྱི་ཡོད། དཔྱིད་གསར་དུས་ཆེན་རིང་ཅང་ཡུའེ་ལུང་དང་ལས་རོགས་ཚོས་ད་དུང་ཨར་སྐྲུན་བྱ་ཡུལ་ལ་སྐོར་ཞིབ་བྱས་ནས་ལས་གནས་བརྟན་སྲུང་བྱེད་རྒྱུ་ཡིན་པ་རེད།