༄༅།།ཞིན་ཅང་གི་འགོ་ཁྲིད་འདི་བཟུང་འདུག 

ཀྲུང་གོའི་སྤོ་སྒུལ་ཞིན་ཅང་ཀུང་སིའི་ཏང་ཨུའི་ཧྲུའུ་ཅི་གཞོན་པ་ཟུར་པ་དང་། ལས་འཛིན་པ། སྤྱི་ཁྱབ་ཅིང་ལི་གཞོན་པ་ལིའུ་དབྱིན་ཅེ་ལ(ཐིང་གཞོན་པ་རིམ་པ།)ལྐོག་རྔན་བླངས་པའི་དོགས་གཞི་ཡོད་པའི་གྱོད་གཞི་དེ་ཀན་སུའུ་ཞིང་ཆེན་ཅ་ཡུས་ཀོན་གྲོང་ཁྱེར་ལྟ་ཞིབ་ཨུ་ལྷན་གྱིས་བརྟག་དཔྱད་མཇུག་བསྒྲིལ་ནས། ཞིབ་དཔྱོད་ལས་ཁུངས་ལ་ཞིབ་བཤེར་དང་ཞུ་གཏུག་བྱ་རྒྱུར་བསྐྱལ་པ་རེད། ཆེས་མཐོའི་མི་དམངས་ཞིབ་དཔྱོད་ཁང་གིས་བདག་སྐྱོང་བྱེད་ཁོངས་གཏན་འཁེལ་བྱས་པ་བརྒྱུད། ཀན་སུའུ་ཞིང་ཆེན་ཅ་ཡུས་ཀོན་གྲོང་ཁྱེར་གྱི་མི་དམངས་ཞིབ་དཔྱོད་ཁང་གིས་ཞིབ་བཤེར་དང་ཞུ་གཏུག་བྱས་པ་རེད། ཉིན་ཤས་གོང་། ཅ་ཡུས་ཀོན་གྲོང་ཁྱེར་མི་དམངས་ཞིབ་དཔྱོད་ཁང་གིས་ཁྲིམས་ལྟར་ལྐོག་རྔན་བླངས་པའི་དོགས་གཞི་ཡོད་པའི་ཉེས་གསོག་གི་ཐོག་ནས་ལིའུ་དབྱིན་ཅེ་འཛིན་རྒྱུའི་ཐག་བཅད། གྱོད་དོན་འདི་རིམ་གྱིས་སྒྲུབ་བཞིན་ཡོད།