མི་དམངས་དྲ་བ།

༄༅།།ཨ་རིས་འདི་ནས་དམག་དོན་སྒྲིག་ཆས་ཕྱིར་འཐེན་བྱས།

གསར་འགྱུར་སྤེལ་དུས། 　【2024ལོའི་ཟླ་ 11ཚེས་20ཉིན། 14:38】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། རྟ་མགྲིན།）

ཚེས་18ཉིན་གནས་འཕྲིན་འབྱོར་གསལ། ཨ་རིས་དབུས་ཤར་ས་ཁུལ་གྱི་གནམ་གྲུ་འབབ་འཕུར་གྲུ་གཟིངས་ལྷག་མ་ཞིག་ཕྱིར་འཐེན་བྱས་ཟིན་པ་དང་། དབྱི་སི་རལ་དང་དབྱི་རན་བར་གྱི་ཛ་དྲག་ཆེ་བའི་གནས་བབ་རྐྱེན་རོགས་སྐྱོར་བཀོད་སྒྲིག་བྱས་པ་མཇུག་བསྒྲིལ་བ་རེད།

ཤེས་རྟོགས་བྱུང་བར་གཞིགས་ན། གནམ་གྲུ་འབབ་འཕུར་གྲུ་གཟིངས་དེ“ཡ་པོ་ལ་ཧན·ལིན་ཁེན”རྟགས་ཅན་ཡིན་པ་དང་། ཨ་རིའི་རྒྱལ་སྲུང་པུའུ་ཡིས་ཟླ་8པའི་ཟླ་མཇུག་ཏུ་དེ་དམག་གྲུ་རུ་ཁག་བདུན་པའི་སྔོན་བཀོད་བཀོད་སྒྲིག་ཁྲོད་ནས་སྐོང་འཐེན་བྱས་པ་ནས་བཟུང་། འབབ་འཕུར་གྲུ་གཟིངས་དེས་ཐོག་མཐའ་བར་གསུམ་དུ་དབུས་ཤར་ས་ཁུལ་དུ་ལས་འགན་སྒྲུབ་ཀྱི་ཡོད།