༄༅།།《〈འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་གཏན་འབེབས〉བཟོ་བཅོས་
རྒྱག་རྒྱུའི་སྐོར་གྱི་སྤྱི་བདེ་པུའི་གཏན་འབེབས（བསམ་འཆར་བསྡུ་ལེན་མ་ཟིན）》ཁྱབ་བསྒྲགས་བྱས་པ།

    《འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་སྐོར་གྱི་གཏན་འབེབས》（སྤྱི་བདེ་པུའི་བཀའ་རྒྱ་ཨང་162པ）ལ་ཁྱོན་དོན་ཚན་111ཡོད་པ་དང་། ད་ཐེངས་བཟོ་བཅོས་རྒྱག་རྩིས་ཡོད་པའི་དོན་ཚན་5ཡོད་པ་དེའི་ནང་གཙོ་བོ་གཤམ་གསལ་ཁག་ཚུད་ཡོད་པ་སྟེ།

    གཅིག་ནི་འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བའི་ལག་ཁྱེར་རེ་ཞུ་བྱེད་པའི་ལོ་ཚད་ཀྱི་གཏན་འབེབས་ལེགས་སྒྲིག་བྱ་རྒྱུ། འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བའི་ལག་ཁྱེར་རེ་ཞུ་བྱེད་པའི་ལོ་ཚད་མཐོ་ཤོས་དེ་ལོ་60ནས་ལོ་63བར་རིང་དུ་གཏོང་རྒྱུ། འབྲེལ་ཡོད་དོན་ཚན་ནི་དོན་ཚན་བཅུ་བཞི་པའི་གཏན་འབེབས་ཡིན།

    གཉིས་ནི་འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་གི་རིགས་གཏོང་ཆོག་པའི་ལོ་ཚད་ཀྱི་ཚད་གཞི་ལེགས་སྒྲིག་བྱ་རྒྱུ། འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་གི་རིགས་བསྐོར་ཆོག་པའི་ལོ་ཚོད་ཀྱི་ཚད་བཀག་དེ་ལོ་60ནས་ལོ་63བར་དུ་རིང་དུ་གཏོང་རྒྱུ། དེའི་སྐོར་གྱི་དོན་ཚན་ནི་དོན་ཚན་རེ་ལྔ་པ་ཡིན།

    གསུམ་ནི་ལས་འཁྱུར་ངལ་གསོའི་དུས་ཚོད་ནར་འགྱངས་བྱས་རྐྱེན་འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བས་རླངས་འཁོར་གཏོང་བའི་དུས་ཚོད་རིང་དུ་བསྲིང་རྒྱུའི་གཏན་འབེབས་ཁ་བཟོ་རྒྱུ། རྒྱལ་ཁབ་ཀྱིས་ལས་འཁྱུར་ངལ་གསོའི་དུས་ཚོད་ནར་འགྱངས་བྱེད་པའི་སྲིད་ཇུས་དང་སྦྲེལ་མཐུད་བྱ་ཆེད། ལོ་ན་63ཡན་གྱི་མུ་མཐུད་དུ་འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་ཁ་ལོ་གཏོང་མཁན་གྱི་ཁ་ལོ་པས་ལུས་ཕུང་ཞིབ་བཤེར་དང་ཡིད་འཛིན་ནུས་པ། བརྡར་གཅོད་ནུས་པ། ཚུར་སྣང་ནུས་པ་སོགས་ཀྱི་ནུས་པའི་ཚད་ལེན་ཚོད་ལྟའི་ནང་ཞུགས་པ་དང་། ལུས་ཕུང་གི་ཆ་རྐྱེན་མུ་མཐུད་དུ་འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་ཁ་ལོ་གཏོང་བའི་བླང་བྱ་དང་མཐུན་ན། རླངས་འཁོར་དོ་དམ་སའོ་རུ་སྔར་གྱི་རླངས་འཁོར་གཏོང་ཆོག་པའི་འཛིན་ཡིག་གི་དུས་ཡུན་ཇེ་རིང་དུ་གཏོང་བའི་རེ་བ་ཞུས་ཆོག དེའི་སྐོར་གྱི་དོན་ཚན་ནི་དོན་ཚན་རེ་ལྔ་པ་ཡིན།

    བཞི་ནི་འཁོར་ལོ་ཅན་གྱི་ཆེད་སྤྱོད་འཕྲུལ་ཆས་དང་། འཁོར་ལམ་མེད་པའི་གློག་འཁོར། འཁོར་ལམ་ཡོད་པའི་གློག་འཁོར་བཅས་ཀྱི་ཁ་ལོ་བའི་ལག་ཁྱེར་གྱི་ཐོ་སུབ་ལོ་ཚད་ཀྱི་གཏན་འབེབས་ལེགས་སྒྲིག་བྱ་རྒྱུ། འཁོར་ལོ་ཅན་གྱི་ཆེད་སྤྱོད་འཕྲུལ་ཆས་དང་། འཁོར་ལམ་མེད་པའི་གློག་འཁོར། ཡང་ན་འཁོར་ལམ་ཡོད་པའི་གློག་འཁོར་བཅས་ཀྱི་འཁོར་རིགས་གཏོང་ཆོག་པའི་ཁ་ལོ་བའི་ལག་ཁྱེར་གྱི་ཐོ་སུབ་ལོ་ཚད་དེ་ལོ་60ནས་ལོ་63བར་རིང་དུ་བཏང་ཡོད་པ་རེད། དེའི་སྐོར་གྱི་དོན་ཚན་ནི་དོན་ཚན་དོན་དགུ་པ་ཡིན།

    ལྔ་ནི་སློབ་འཁོར་གཏོང་བའི་ཐོབ་ཐང་རེ་ཞུའི་ལོ་ཚད་དང་ཐོ་ཁོངས་ནས་སུབ་པའི་ལོ་ཚད་གཏན་འབེབས་འཐུས་ཚང་དུ་གཏོང་རྒྱུ། ཁ་ལོ་བས་སློབ་འཁོར་གཏོང་ཆོག་པའི་ལག་ཁྱེར་རེ་ཞུ་བྱེད་པའི་ལོ་ཚད་མཐོ་ཤོས་དེ“ལོ་60ལས་མི་བརྒལ་བ”ནས“ལོ་དེ་རྒྱལ་ཁབ་ཀྱི་སློབ་འཁོར་གཏོང་ཆོག་པའི་ཐོབ་ཐང་གི་ཆ་རྐྱེན་དང་མཐུན་པར”ལེགས་སྒྲིག་བྱས་པ་དང་། སློབ་འཁོར་གཏོང་ཆོག་པའི་ལག་ཁྱེར་གྱི་ཐོ་སུབ་ལོ་ཚད་ནི“ལོ་60ལས་བརྒལ་བ”ནས“ལོ་དེ་རྒྱལ་ཁབ་ཀྱི་སློབ་འཁོར་གཏོང་ཆོག་པའི་ཐོབ་ཐང་གི་ཆ་རྐྱེན་ལས་བརྒལ་བར”ལེགས་སྒྲིག་བྱས་ཡོད། གོང་གི་ཁྲིམས《སློབ་གྲྭའི་རླངས་འཁོར་བདེ་འཇགས་དོ་དམ་སྲོལ་ཡིག》གི་གཏན་འབེབས་དང་གཅིག་མཐུན་ཡོང་བ་བྱེད་དགོས། དེའི་སྐོར་གྱི་དོན་ཚན་ནི་དོན་ཚན་གྱ་བརྒྱད་པ་དང་དོན་ཚན་གོ་གཉིས་པ་ཡིན།

    གཞན་ཡང་། “འཁོར་གསུམ་འཕྲུལ་རྟ་དཀྱུས་མ་དང་འཁོར་གཉིས་འཕྲུལ་རྟ་དཀྱུས་མའི་འཁོར་རིགས་གཏོང་ཆོག་པའི་འདུན་ཞུའི་ལོ་ཚད་དེ་ལོ་60ནས་ལོ་70བར་ལྷུག་ཏུ་གཏོང་བའི”དམངས་ཕན་བྱེད་ཐབས་ལག་ལེན་བསྟར་བ་དེ་སྡེ་ཁག་གི་སྒྲིག་སྲོལ་གཏན་འབེབས་ལ་མཐོ་རུ་བཏང་ནས། དམངས་ཕན་ཞབས་ཞུའི་བྱེད་ཐབས་ལམ་ལུགས་ཅན་དང་སྒྱུར་བཅོས་ཁྲིམས་སྐྱོང་ཅན་དུ་འགྱུར་རྒྱུར་སྐུལ་འདེད་གཏོང་རྒྱུ་ཡིན་པ་རེད།

    གོམ་སྟབས་རྗེས་མར། སྤྱི་བདེ་པུས་ཡོངས་བསྒྲགས་ངང་བསྡུ་རུབ་བྱས་པའི་བསམ་འཆར་དང་གྲོས་འགོར་གཞིགས་ནས《〈འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་གཏན་འབེབས〉བཟོ་བཅོས་རྒྱག་རྒྱུའི་སྐོར་གྱི་སྤྱི་བདེ་པུའི་གཏན་འབེབས（བསམ་འཆར་བསྡུ་ལེན་མ་ཟིན）》ཀྱི་བཟོ་བཅོས་ནང་དོན་ལ་སྔར་བས་བཟོ་བཅོས་དང་འཐུས་ཚང་དུ་བཏང་སྟེ《〈འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་གཏན་འབེབས〉བཟོ་བཅོས་རྒྱག་རྒྱུའི་སྐོར་གྱི་སྤྱི་བདེ་པུའི་གཏན་འབེབས（ཆོག་མཆན་མ་ཟིན）》ཆགས་པ་བྱ་རྒྱུ་དང་འབྲེལ་གཏན་འབེབས་གཞིར་བཟུང་ཆོག་མཆན་ཞུ་བའི་གོ་རིམ་ལག་བསྟར་བྱ་རྒྱུ་ཡིན་པ་རེད། བཟོ་བཅོས་བརྒྱབ་རྗེས་ཀྱི《〈འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་གཏན་འབེབས〉བཟོ་བཅོས་རྒྱག་རྒྱུའི་སྐོར་གྱི་སྤྱི་བདེ་པུའི་གཏན་འབེབས》2025ལོའི་ཟླ་1ཚེས་1ཉིན་ནས་བཟུང་ལག་བསྟར་བྱ་རྒྱུ།