༄༅།།གཞུང་འཁྱོངས་གསར་འབྱེད་བྱས་ནས་སྒྱུར་བཅོས་ལ་རྒྱུན་ཆད་མེད་པར་ཚད་བརྒལ་གསར་པ་ཡོང་བར་སྐུལ་འདེད་གཏོང་གི་ཡིན།

   འདི་ག་ཚགས་པར་གྱི་གསར་འགོད་པ། ལིའུ་ཀྲེ་ཆང་། ཧན་ཤིན།

   ཟླ་10ཚེས་29ཉིན་གྱི་སྔ་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་པ་གཙོ་བོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་བྱེད་པའི་ཆེད་དོན་བགྲོ་གླེང་འཛིན་གྲྭ་སློབ་འགོ་ཚུགས་པའི་མཛད་སྒོའི་ཐོག་གསུང་བཤད་གལ་ཆེན་གནང་སྟེ། “གཞུང་འཁྱོངས་གསར་འབྱེད་ནི་ཕྱོགས་ཡོངས་ནས་སྒྱུར་བཅོས་སྔར་བས་ཟབ་ཏུ་གཏོང་བར་ངེས་པར་དུ་ཁོང་དུ་བརྟན་པོར་ཆུད་པ་དང་ཐོག་མཐའ་བར་གསུམ་དུ་བརྟན་སྲུང་བྱེད་དགོས་པའི་རྩ་དོན་གལ་ཆེན་ཞིག་ཡིན”ཞེས་གསུངས་ཡོད་ལ། “རིགས་པའི་གཞུང་ལུགས་གསར་གཏོད་དང་། ལག་ལེན་གསར་གཏོད། ལམ་ལུགས་གསར་གཏོད། རིག་གནས་གསར་གཏོད་བཅས་དང་དེ་བཞིན་ཕྱོགས་གཞན་དག་གི་གསར་གཏོད་ལ་སྐུལ་འདེད་ཤུགས་ཆེན་བཏང་ནས་ཀྲུང་གོའི་ལུགས་ཀྱི་དེང་རབས་ཅན་ལ་སྟོབས་དང་ལྡན་པའི་སྒུལ་ཤུགས་དང་ལམ་ལུགས་ཀྱི་འགན་སྲུང་མཁོ་འདོན་བྱེད་དགོས”ཞེས་ནན་བཤད་གནང་ཡོད།

    བགྲོ་གླེང་འཛིན་གྲྭ་གཉེར་རིང་། སློབ་མ་ཁག་གཅིག་གིས་འདི་ག་ཚགས་པར་གྱི་གསར་འགོད་པའི་བཅར་འདྲི་དང་ལེན་བྱས་ཤིང་། ཚང་མས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་གོ་བ་གཏིང་ཟབ་ལེན་པ་དང་། ཕྱོགས་ཡོངས་ནས་སྒྱུར་བཅོས་སྔར་བས་ཟབ་ཏུ་གཏོང་བའི་མཛུབ་ཁྲིད་ཀྱི་བསམ་བློ་དང་། སྤྱི་ཡོངས་ཀྱི་དམིགས་ཚད། རྩ་དོན་གལ་ཆེན། ཚན་རིག་དང་མཐུན་པའི་ཐབས་ཤེས་བཅས་ཁོང་དུ་གཏིང་ཟབ་ཆུད་པར་བྱེད་པ། སྒྱུར་བཅོས་ཀྱི་གདེང་ཚོད་བརྟན་དུ་གཏོང་བ། སྒྱུར་བཅོས་ཀྱི་ཁ་ཕྱོགས་སྟངས་འཛིན། སྒྱུར་བཅོས་ཀྱི་འགན་འཁྲི་ཆེ་རུ་གཏོང་བ། སྒྱུར་བཅོས་ཀྱི་སྟོབས་ཤུགས་གཅིག་སྒྲིལ་བཅས་བྱས་ཏེ་ཞུམ་མེད་མདུན་སྐྱོད་ཀྱི་སྙིང་སྟོབས་དང་བློ་སྟོབས་ལ་བརྟེན་ནས་སེམས་ཤུགས་གཅིག་སྒྲིལ་གྱིས་ཚང་འཛོམས་གྲོས་ཚོགས་ཀྱི《གཏན་འབེབས》ལག་བསྟར་དོན་འཁྱོལ་ཡོང་བར་དམ་འཛིན་ཡག་པོ་བྱེད་ཀྱི་ཡིན་ཞེས་བརྗོད།

     “སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སློབ་འགོ་ཚུགས་པའི་མཛད་སྒོའི་ཐོག་གནང་བའི་གསུང་བཤད་གལ་ཆེན་གཟིགས་རྒྱང་རིང་བ་དང་། གནད་ལ་འཕིགས་པ། ནང་དོན་ཕུན་སུམ་ཚོགས་པ་བཅས་ཡོད་པས། ང་ཚོར་གསོན་ཉམས་དོད་པའི་རིགས་པའི་གཞུང་ལུགས་ཀྱི་སློབ་ཚན་ཆེན་པོ་དང་། ལག་ལེན་གྱི་སློབ་ཚན་ཆེན་པོ། བསམ་བློའི་སློབ་ཚན་ཆེན་པོ་བཅས་འཁྲིད་གནང་ཡོད” མཚོ་སྔོན་ཞིང་ཨུད་ཀྱི་ཧྲུའུ་ཅི་གཞོན་པ་དང་ཧྲེང་ཀྲང་ཝུའུ་ཞའོ་ཅུན་གྱིས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་ཐེངས་གསུམ་གནང་ནས“ཆེ་ཤོས་གསུམ”གྱི་ཞིང་བབ་ཀྱི་ངེས་གནས་དང“དེ་བས་གལ་ཆེ་གསུམ”གྱི་འཐབ་ཇུས་གནས་བབ་གཏན་འཁེལ་གནང་ནས་མཚོ་སྔོན་གྱི་ལས་དོན་ཡག་པོ་བསྒྲུབ་པར་རྩ་བའི་གཞི་འཛིན་ས་མཁོ་འདོན་གནང་ཡོད་པས། ང་ཚོས་མངགས་བཅོལ་ཟབ་མོ་བློ་ལ་བཅངས་བ་དང་བཀའ་དྲིན་ཚོར་བཞིན་མདུན་སྐྱོད་བྱས་ཏེ་མཚོ་བོད་ས་མཐོའི་སྐྱེ་ཁམས་སྲུང་སྐྱོང་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་གོམ་པ་གསར་པ་སྤོ་བ་དང་རྣམ་པ་གསར་པ་ཧུར་ཐག་གཏོད་ཀྱི་ཡིན་ཞེས་བརྗོད།

     “སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱིས་དུས་རབས་གསར་པར་ཕྱོགས་ཡོངས་ནས་སྒྱུར་བཅོས་ཟབ་ཏུ་གཏོང་བར་ཐོབ་པའི་ལོ་རྒྱུས་རང་བཞིན་གྱི་གྲུབ་འབྲས་ལ་ཕྱོགས་སྡོམ་གཏིང་ཟབ་གནང་བ་མ་ཟད། ཕྱོགས་ཡོངས་ནས་སྒྱུར་བཅོས་སྔར་བས་ཟབ་ཏུ་གཏོང་བའི་རྩ་དོན་གལ་ཆེན་ལ་འགྲེལ་བཤད་གསལ་པོ་བསྐྱོན་ཡོད་ལ། སྒྱུར་བཅོས་ལ་སྐུལ་འདེད་གཏོང་བའི་ཐབས་ལམ་དང་བྱེད་ཐབས་ཚན་རིག་དང་མཐུན་པའི་ངང་གསལ་སྟོན་གནང་བས་སྔར་བས་བསམ་བློའི་ངོས་འཛིན་གཅིག་གྱུར་དང་ཏང་སེམས་དང་དམངས་སེམས་གཅིག་སྒྲིལ་དང་ཕྱོགས་ཡོངས་ནས་སྒྱུར་བཅོས་སྔར་བས་ཟབ་ཏུ་གཏོང་བ་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་སྟོབས་ཤུགས་ཆེན་པོ་གཅིག་སྡུད་ཐུབ་ངེས་རེད”ཅེས་ཤིན་ཧྭ་གསར་འགྱུར་ཁང་གི་ཏང་ཙུའི་ཧྲུའུ་ཅི་ཧྲེ་ཀྲང་ཕུའུ་ཧྭ་ཡིས་བརྗོད།

    “ད་ཐེངས་སློབ་སྦྱོང་བྱས་པ་བརྒྱུད། སྒྱུར་བཅོས་ནི་བྱེད་ཐེངས་གཅིག་ལ་གྲུབ་པ་ཞིག་མིན་པར་རྒྱུན་སྲིང་ལྷོད་མེད་ངང་མདུན་སྐྱོད་བྱེད་དགོས་པ་ཞིག་ཡིན་པ་ང་ལ་མྱོང་ཚོར་ཟབ་མོ་བྱུང”རྒྱལ་ཁབ་སྨན་བཅོས་འགན་སྲུང་ཅུས་ཀྱི་ཏང་ཙུའི་ཧྲུའུ་ཅི་དང་ཅུས་ཀྲང་ཀྲང་ཁོའོ་ཡིས་མིག་སྔར་རང་རྒྱལ་དུ་འཛམ་གླིང་ཐོག་གཞི་ཁྱོན་ཆེ་ཤོས་ཀྱི་སྤྱི་ཚོགས་འགན་སྲུང་མ་ལག་དང་སྨན་བཅོས་འཕྲོད་བསྟེན་མ་ལག་བསྐྲུན་ཡོད། གོམ་སྟབས་རྗེས་མར་ང་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་དང་མཆན་བཀོད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་མཐའ་གཅིག་ཏུ་བྱས་ནས་སྔར་རྒྱུན་བཞིན་གང་ཐུབ་ཅི་ཐུབ་དང་ནུས་པས་ལྕོགས་ཚོད་མཐའ་འཁྱོངས་བྱས་ཏེ། སྨན་བཅོས་འགན་བཅོལ་མ་ལག་ཕྱོགས་ཡོངས་ལ་ཁྱབ་པ་དང་རིམ་བཞིན་ཟབ་ཏུ་འགྲོ་བར་རྒྱུན་ཆད་མེད་པར་སྐུལ་འདེད་གཏོང་གི་ཡིན་ཞེས་བརྗོད།

    གཞུང་འཁྱོངས་དང་གསར་འབྱེད་ནི་རྩོད་སྒྲུབ་གཅིག་གྱུར་ཅིག་ཡིན། གཞུང་འཁྱོངས་བྱས་ཚེ། གཞི་ནས་གསར་གཏོད་ཐོག་མཐའ་བར་གསུམ་དུ་ཡང་དག་པའི་ཁ་ཕྱོགས་བརྒྱུད་མདུན་སྐྱོད་ཐུབ་པ་དང་། གསར་འབྱེད་རྒྱུན་མཐུད་ཐུབ་ཚེ། གཞི་ནས་དེ་བས་ལེགས་པའི་སྒོ་ནས་གཞུང་འཁྱོངས་ཡོང་ཐུབ། བགྲོ་གླེང་འཛིན་གྲྭའི་སློབ་མ་ཚོས་འགྲོ་ལམ་དང་བློ་སྟོབས་མི་འགྱུར་བར་ངེས་ཤུགས་སྟོབས་ཆེན་རྒྱུན་འཁྱོངས་བྱས་ནས་ནམ་ཡང་གསར་གཏོད་དང་འགག་སྒྲོལ་བྱེད་ཕོད་པའི་བློ་སྟོབས་ཆེན་པོར་བརྟེན་ནས་སྒྱུར་བཅོས་ལ་རྒྱུན་ཆད་མེད་པར་ཚད་བརྒལ་གསར་པ་ཐོབ་པར་སྐུལ་འདེད་གཏོང་གི་ཡིན་ཞེས་བརྗོད།

    སློབ་གསོ་དང་། ཚན་རྩལ། ཤེས་ལྡན་པ་བཅས་ནི་ཀྲུང་གོའི་ལུགས་ཀྱི་དེང་རབས་ཅན་གྱི་རྨང་གཞིའི་རང་བཞིན་དང་འཐབ་ཇུས་རང་བཞིན་གྱི་འདེགས་སྐྱོར་ཅིག་ཡིན། “ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི《གཏན་འབེབས》ནང་ཕྱོགས་ཡོངས་ཀྱི་གསར་གཏོད་ལ་རྒྱབ་སྐྱོར་བྱེད་པའི་སྒྲིག་སྲོལ་དང་ལམ་སྲོལ་འཛུགས་པར་ཆེད་དོན་བཀོད་སྒྲིག་བྱས་པ་དེ་ཐོག་ནས་ཏང་ཀྲུང་དབྱང་གིས་ཚན་རྩལ་གསར་གཏོད་ལ་ཚད་མཐོའི་མཐོང་ཆེན་གནང་བ་མཚོན་ཡོད” ཧོ་ཅུན་ཁོའོ་ཡིས་ཏང་གི་འགོ་ཁྲིད་འོག་གི་ཚན་རྩལ་ཚོགས་པའི་རྩ་འཛུགས་དང་རྒྱལ་ཁབ་ཀྱི་གསར་གཏོད་མ་ལག་གི་གྲུབ་ཆ་གལ་ཆེན་ཞིག་ཡིན་པའི་ཀྲུང་གོ་ཚན་རྩལ་མཐུན་ཚོགས་ཀྱིས་སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་གོ་བ་གཏིང་ཟབ་བླངས་ཏེ་རང་ཉིད་ཀྱི་འགན་ནུས་ལ་དམ་པོར་དམིགས་ནས་རྒྱ་ཆེའི་ཚན་རྩལ་ལས་དོན་པས་ཆུ་ཚད་མཐོ་བའི་ཚན་རྩལ་རང་ཚུགས་རང་དར་མགྱོགས་མྱུར་མངོན་འགྱུར་དང་ཚན་རྩལ་རྒྱལ་ཁབ་སྟོབས་ཆེན་བསྐྲུན་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་རྒྱུར་སྐུལ་འདེད་གཏོང་གི་ཡིན་ཞེས་བརྗོད།

     འཕེལ་རྒྱས་གཏོང་རིང་དམངས་འཚོ་འགན་སྲུང་དང་ལེགས་སུ་གཏོང་རྒྱུ་ནི་ཀྲུང་གོའི་ལུགས་ཀྱི་དེང་རབས་ཅན་གྱི་ལས་འགན་གལ་ཆེན་ཞིག་རེད། ཀྲང་ཁོའོ་ཡིས་རྒྱལ་ཁབ་སྨན་བཅོས་འགན་སྲུང་ཅུས་2018ལོར་བཙུགས་ཚུན། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་གཅིག་གྱུར་བཀོད་སྒྲིག་གཞིར་བཟུང་རིམ་པ་མང་བའི་སྨན་བཅོས་འགན་བཅོལ་གྱི་མ་ལག་འཛུགས་སྐྱོང་ལ་སྐུལ་འདེད་གཏིང་ཟབ་བཏང་ཡོད། གོམ་སྟབས་རྗེས་མར། སྤྱི་ཁྱབ་ཧྲུའུ་ཅིའི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་མཐའ་གཅིག་ཏུ་བྱས་ནས་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག་བཀོད་སྒྲིག་བྱས་པའི་སྒྱུར་བཅོས་ཀྱི་ལས་འགན་ཕྱོགས་ཡོངས་ནས་དོན་འཁྱོལ་བྱས་ཏེ་རྒྱུན་ཆད་མེད་པར“ཆུང་བར”གཅེས་སྐྱོང་ཡག་པོ་དང་། “རྒན་པར”སྲུང་སྐྱོང་ཡག་པོ། “ནད་པར”ལྟ་སྐྱོང་ཡག་པོ། “བྱེད་ཐབས་གསར་པར”རྒྱབ་སྐྱོར་ཧུར་ཐག “རྫུན་མར”རྡུང་རྡེག་མཐའ་གཅིག་ཏུ་གཏོང་བ་བཅས་བྱས་ཏེ་གོམ་སྟབས་བརྟན་པོས་མདུན་སྐྱོད་ཀྱིས་མི་དམངས་ཀྱི་བདེ་ཐང་འགན་ལེན་བྱེད་ཀྱི་ཡིན་ཞེས་བརྗོད།

    སྒྱུར་བཅོས་ཐད་ཇུས་འགོད་ལ་མཐོང་ཆེན་བྱེད་དགོས་ལ། དོན་འཁྱོལ་ལ་དེ་བས་དམ་འཛིན་ཡག་པོ་བྱེད་དགོས། ཝུའུ་ཤའོ་ཅུན་གྱིས་རྒྱང་ལམ་གསར་པར་མཚོ་སྔོན་གྱིས་གཏོར་འཛུགས་མཉམ་སྤེལ་མཐའ་འཁྱོངས་དང་། རྒྱལ་ཁབ་སྤྱི་གླིང་གི་སྒྲིག་སྲོལ་སྒྱུར་བཅོས་ཟབ་ཏུ་གཏོང་བ། ཀྲུང་ཧྭའི་ཆུ་གསོག་མཐོ་ལྕོག་གི་ལྟ་སྲུང་བ་ཡག་པོ་བྱེད་པ། ལྗང་མདོག་འཕེལ་རྒྱས་མཐའ་འཁྱོངས་བཅས་བྱས་ཏེ་མཚོ་སྔོན་གྱི་ཁྱད་ཆོས་ལྡན་པ་དང་ལྗང་མདོག་ཐཱན་ཉུང་འཁོར་རྒྱུག་འཕེལ་རྒྱས་ཀྱི་བླང་བྱ་དང་འཚམ་པའི་དེང་རབས་ཅན་གྱི་ཐོན་ལས་མ་ལག་ཧུར་ཐག་བསྐྲུན་ནས་ཆབ་སྲིད་ཀྱི་འགན་འཁྲི་མཐའ་གཅིག་ཏུ་འཁུར་བ་དང་། སྒྱུར་བཅོས་ཀྱི་ལས་འགན་ཞིབ་ཚགས་སུ་གཏོང་བ། འགག་སྒྲོལ་དཀའ་སེལ་དང་དཀའ་ངལ་ལ་མི་འཛེམ་པར་མདུན་སྐྱོད་བྱེད་པའི་ཆབ་སྲིད་ཀྱི་བློ་སྟོབས་ལ་བརྟེན་ནས་གནད་དོན་ལ་ཐད་ཀར་ཕྱོགས་པ་དང་། བློ་བརྟན་འགྱུར་མེད། འབད་འཐབ་ལྷོད་མེད་བཅས་བྱས་ནས་ནུས་ཤུགས་ཡོད་རྒུས་སྒྱུར་བཅོས་འཕེལ་རྒྱས་ཀྱི་གནམ་ས་གསར་པ་གཏོད་ཀྱི་ཡིན་ཞེས་བརྗོད།