༄༅།།རླངས་འཁོར་གྱིས་རྐྱང་འདེད་མཁན་དེར་ཆད་པ་བཅད་འདུག 

     གསར་འགོད་པས་ཟླ་11ཚེས་2ཉིན། བོད་ལྗོངས་མངའ་རིས་ས་ཁུལ་ནགས་ལས་དང་རྩྭ་ཐང་ཅུས་ནས་ཤེས་རྟོགས་བྱས་པར་གཞིགས་ན། ད་ལོའི་ཟླ་10པར། ཅུས་དེར་སྐྱེས་པ་ཞིག་གིས་རླངས་འཁོར་བཏང་ནས་ཁྲིམས་འགལ་ངང་སྲུང་སྐྱོབ་ཁུལ་ནས་བརྒལ་ཏེ། རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་སྲོག་ཆགས་རྐྱང་དེད་པ་དང་། འབྲེལ་ཡོད་ཀྱི་བརྙན་ཐུང་མི་སྒེར་གྱི་སྤྱི་ཚོགས་འབྲེལ་བའི་སྨྱན་སྦྱོར་སྟེགས་བུའི་ཐོག་ཡོངས་བསྒྲགས་བྱས་པའི་ཐེར་འདོན་བྱས་པ་རེད།

    མཐར། སྐྱེས་པ་དེར་མངའ་རིས་ས་ཁུལ་ནགས་ལས་དང་རྩྭ་ཐང་ཅུས་ཀྱིས་ཁྲིམས་ལྟར་མི་དམངས་ཤོག་སྒོར་4000གི་ཆད་པ་བཅད་པ་དང་འབྲེལ་བརྙན་ལམ་བརྒྱུད་ནས་ཁོང་གིས་དགོངས་དག་ཞུས་པ་རེད།

བརྙན་དང་འབྲེལ་ཡོད་ཁུངས་སྣེར་གཞིགས་ན། བོད་ལྗོངས་མངའ་རིས་ས་ཁུལ་ནགས་ལས་དང་རྩྭ་ཐང་ཅུས་དང་དེ་བཞིན་བོད་ལྗོངས་མངའ་རིས་ས་ཁུལ་སྤྱི་བདེ་ཁྲུའུ་ནགས་ཚལ་ཡན་ལག་རུ་ཁག་གིས་འཕྲལ་མར་བརྙན་ལེན་མཁན་ཝུའུ་ཆེ་གེ་མོ་ཡིན་པ་གཏན་འཁེལ་བྱས་པ་དང་། ཁོ་ནི་སི་ཁྲོན་ཁྲེང་ཏུའུ་རུ་རྒྱུན་སྡོད་བྱས་ཡོད། ཟླ་10ཚེས་22ཉིན། ས་གནས་དེ་གའི་འབྲེལ་ཡོད་ཁྲིམས་བསྟར་སྡེ་ཁག་གི་གཞོགས་འདེགས་འོག ཝུའུ་ཆེ་གེ་མོ་འབོད་འགུག་དང་བརྟག་དཔྱད་བྱས་པ་རེད།

    ཞིབ་བཤེར་བྱས་པ་བརྒྱུད། ད་ལོའི་ཟླ་3པར་ཝུའུ་ཆེ་གེ་མོ་མངའ་རིས་ས་ཁུལ་དུ་ཡུལ་སྐོར་དུ་བསྐྱོད་རིང་། བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོབ་ཁུལ་དུ་སྐྱོད་པ་དང་འབྲེལ། རླངས་འཁོར་ལ་བསྡད་ནས་ཡུལ་སྐོར་དུ་བསྐྱོད་དེ་རྐྱང་གི་རྗེས་འདེད་བྱས་པ་རེད། ཟླ་10པར། ཝུའུ་ཆེ་གེ་མོས་འབྲེལ་ཡོད་བརྙན་ལམ་དེ་མི་སྒེར་གྱི་སྤྱི་ཚོགས་འབྲེལ་བའི་སྨྱན་སྦྱོར་ཨང་རྟགས་ཐོག་ཁྱབ་བསྒྲགས་བྱས་པ་རེད།

    ཝུའུ་ཆེ་གེ་མོས་རང་གི་ཁྲིམས་འགལ་གྱི་བྱ་སྤྱོད་ཁས་བླངས་པ་མ་ཟད། འགྱོད་བཤགས་ཀྱང་བྱས་པ་རེད། མཐར། བོད་ལྗོངས་མངའ་རིས་ས་ཁུལ་ནགས་ལས་དང་རྩྭ་ཐང་ཅུས་ཀྱིས་ཁྲིམས་ལྟར་ཝུའུ་ཆེ་གེ་མོར་སྒོར་4000གི་དངུལ་ཆད་བཅད་པ་དང་འབྲེལ་སྐྱོན་བརྗོད་སློབ་གསོའི་ལས་དོན་སྤེལ་བ་རེད།