༄༅།།ཁ་བསླུས་འདིར་རྡུང་རྡེག་དྲག་པོ་གཏོང་རྒྱུ་རེད། 

 ཀྲུང་གོའི་དངུལ་ཁང་བར་གྱི་ཁྲོམ་རའི་ཉོ་ཚོང་མཐུན་ཚོགས་ཀྱི་དྲ་ཚིགས་ཐོག་གནས་འཕྲིན་སྤེལ་བར་གཞིགས་ན། ཀྲུང་གོའི་དངུལ་ཁང་བར་གྱི་ཁྲོམ་རའི་ཉོ་ཚོང་མཐུན་ཚོགས་ཀྱིས་ཚེས་3ཉིན་གསལ་བསྒྲགས་སྤེལ་ནས། ཉེ་དུས་ཁྲིམས་འགལ་བས་མཐུན་ཚོགས་ཀྱི་གཞུང་ཡིག་དང་གཞུང་ཐམ་རྫུན་མ་བཟོས་ནས་ཁ་བསླུས་བརྒྱབ་པས་མཐུན་ཚོགས་ཀྱི་སྣང་བརྙན་དང་སྙན་གྲགས་ལ་ཤུགས་རྐྱེན་ཚབས་ཆེན་ཐེབས་པ་དང་། དངུལ་ཁང་བར་གྱི་ཁྲོམ་རའི་སྒྲིག་ལམ་དཀྲུགས་ནས་སྤྱི་ཚོགས་ལ་ཤུགས་རྐྱེན་ངན་པ་བཟོས་ཡོད། ཁ་བསླུས་ཀྱི་ཁྲིམས་འགལ་ཉེས་གསོག་དོགས་ཡོད་བྱ་སྤྱོད་ལ་དམིགས་ནས། མཐུན་ཚོགས་ཀྱིས་བཅའ་ཁྲིམས་ཀྱི་བྱ་སྤྱོད་སྤེལ་བ་མ་ཟད། སྤྱི་བདེ་ཁྲིམས་འཛིན་ལས་ཁུངས་ལ་ཁྲིམས་ལྟར་གྱོད་དོན་སྙན་སེང་ཞུས་ནས་དེའི་ཁྲིམས་ལུགས་ཀྱི་འགན་འཁྲི་བདའ་འདེད་གཏོང་རྒྱུ་ཡིན་ཞེས་བཤད།

ད་རེས་རྒྱ་ཆེའི་སྤྱི་ཚོགས་ཀྱི་མང་ཚོགས་ལ་གཡོ་ཐབས་དང་འབྲེལ་བ་ཡོད་པའི་ཡིག་ཆར་དོགས་ཟོན་བྱེད་པ་དང་། དོགས་ཟོན་གྱི་འདུ་ཤེས་ཟབ་ཏུ་བཏང་ནས་མགོ་སྐོར་འོག་ཚུད་ཉེན་ལ་དོགས་ཟོན་བྱེད་དགོས་པའི་དྲན་སྐུལ་གཟབ་ནན་བྱ་རྒྱུ་དང་། ཁ་བསླུས་རྒྱག་པའམ་ཡང་ན་འབྲེལ་ཡོད་ཁུངས་སྣེ་ཤེས་རྟོགས་བྱུང་ཚེ། འཕྲལ་མར་སྤྱི་བདེ་ལས་ཁུངས་ལ་གྱོད་དོན་སྙན་སེང་ཞུ་བའམ་ཡང་ན་གྱོད་གཞིའི་ཁུངས་སྣེ་མཁོ་འདོན་བྱེད་རོགས་ཞེས་བཤད་པ་རེད།