མི་དམངས་དྲ་བ།

༄༅།།ལོ་ངོ་ཁྲི་20ལྷག་གོང་ནས་མིའི་རིགས་མཚོ་བོད་མཐོ་སྒང་ཤར་རྒྱུད་དུ་ཡོང་ཡོད།

གསར་འགྱུར་སྤེལ་དུས། 　【2024ལོའི་ཟླ་ 08ཚེས་16ཉིན། 13:16】 ཡོང་ཁུངས།：མི་དམངས་དྲ་བ། （རྩོམ་སྒྲིག་འགན་འཁུར་པ། མཁའ་འགྲོ།）

ཟླ་8ཚེས་14ཉིན་ཕན་རོགས་གནའ་ཤུལ་ཏེ་ལྷག་གསར་དུས་བསྐལ་གྱི་ཨེ་ཤ་ཡ་དང་ཡོ་རོབ་སྐམ་ས་ཆེན་མོའི་གནའ་བོའི་མིའི་རིགས་གནས་སྤོ་ཁྱབ་འགྱེད་ཀྱི་རྒྱལ་སྤྱིའི་རིག་གཞུང་ཚོགས་འདུ་སི་ཁྲོན་ཞིང་ཆེན་དཀར་མཛེས་ཁུལ་འདབ་པ་རྫོང་དུ་འཚོགས་པ་རེད། གསར་འགོད་པས་ཚོགས་འདུའི་ཐོག་ཤེས་རྟོགས་བྱས་པར་གཞིགས་ན། འདབ་པའི་ཕན་རོགས་གནའ་ཤུལ་གྱི་ལོ་རབས་སྔ་ཤོས་ད་བར་ལོ་ཁྲི་20ལྷག་ཙམ་ཟིན་པ་དང་། དེའི་ཐོག་ནས་མིའི་རིགས་མ་མཐའ་ཡང་ལོ་ཁྲི་20ཡི་གོང་མཚོ་བོད་ས་མཐོའི་ཤར་རྒྱུད་དུ་སླེབས་པ་མཚོན་གྱི་ཡོད་པ་རེད།

2021ལོར་རིགས་གཅིག་མཁས་ཅན་གྱིས་ཕན་རོགས་གནའ་ཤུལ་གྱི་རིམ་པ་གསུམ་པའི་ལོ་རབས་དེ་ཉུང་མཐར་ཡང་ལོ་ངོ་ཁྲི་13ཟིན་པ་དང་། དེའི་འོག་མའི་རིག་གནས་རིམ་པའི་ལོ་རབས་དེ་ལས་རིང་བའམ་ཡང་ན་ལོ་ངོ་ཁྲི་20ཙམ་ཟིན་རྒྱུ་ཡིན་པའི་ངོས་འཛིན་བྱེད་ཀྱི་ཡོད་པ་རེད། ཉེ་བའི་ལོ་ཤས་རིང་གི་སྔོག་འདོན་དང་ཞིབ་འཇུག་བྱས་པ་བརྒྱུད། མཇུག་བསྡོམས་དེ་ར་སྤྲོད་བྱུང་ཡོད་པ་སྟེ། གནའ་བོའི་མིའི་རིགས་མཚོ་བོད་ས་མཐོར་འཛེགས་པའི་ལོ་རབས་དེ་ད་བར་གྱི་ལོ་ངོ་ཁྲི་20ཡི་ཡར་སྔོན་དུ་དེད་ཡོད་པ་རེད།