༄༅།།ཚོགས་རའི་ཕྱི་ནང་གི་རྣམ་པ་སྣ་ཚོགས།

གསར་འགྱུར་སྤེལ་དུས། 　【2017ལོའི་ཟླ་ 03ཚེས་04ཉིན། 13:42】（རྩོམ་སྒྲིག་འགན་འཁུར་པ། མཁའ་འགྲོ།）

མི་དམངས་དྲ་བའི་འཕྲིན། ཟླ་3ཚེས་3ཉིན་གྱི་ཕྱི་དྲོའི་ཆུ་ཚོད་3ཐོག་རྒྱལ་ཡོངས་སྲིད་གྲོས་སྐབས་བཅུ་གཉིས་པའི་གྲོས་ཚོགས་ཐེངས་ལྔ་པ་མི་དམངས་ཚོགས་ཁང་ཆེ་མོར་འཚོག་འགོ་ཚུགས་པ་རེད། རྒྱལ་ཡོངས་སྲིད་གྲོས་ཨུ་ཡོན་ལི་ཡན་ཧོང་ནི་སྨྱན་སྦྱོར་ལས་ཁུངས་ཀྱི་གསར་འགོད་པ་ཚོའི་དོ་ཁུར་བྱ་ཡུལ་དུ་གྱུར་པ་རེད།

རྒྱལ་ཡོངས་སྲིད་གྲོས་ཨུ་ཡོན་ཡའོ་མིང་ལ་སྨྱན་སྦྱོར་ལས་ཁུངས་ཀྱི་གསར་འགོད་པས་བཅའ་འདྲི་བྱེད་བཞིན་ཡོད་པ། ཐེངས་འདིར་ཡའོ་མིང་ལ་གོ་གནས་ཤིག་མང་དུ་སོང་བ་སྟེ། རྒྱལ་ཡོངས་ལན་ཆིའུ་སྤོ་ལོའི་མཐུན་ཚོགས་ཀྱི་ཀྲུའུ་ཞིར་བསྐོས་པ་རེད།

རྒྱལ་ཡོངས་སྲིད་གྲོས་ཨུ་ཡོན་ཁྲེན་ཅིང་ཝེ་ཚོགས་འདུ་གྲོལ་རྗེས་མི་དམངས་དྲ་བའི་གསར་འགོད་པའི་ཆེད་དོན་བཅར་འདྲི་དང་ལེན་གནང་བ་མ་ཟད། དྲ་ཐོག་བརྙན་འཕྲིན་ཐད་གཏོང་འཕྲིན་ལམ་མཐུད་འབྲེལ་ཡང་བྱས་པ་རེད། མི་དམངས་དྲ་བས་ཚོགས་ཆེན་གཉིས་ཀྱི་སྐབས་སུ་《ཚོགས་ཆེན་གཉིས་འཚོག་བཞིན་པ》ཞེས་པའི་ལེ་ཚན་ཐད་གཏོང་བྱེད་འགོ་ཚུགས་ནས་ཉིན་གང་བོ་ཆུ་ཚོད་9ལ་མཚམས་མ་ཆད་པར་ཐད་གཏོང་བྱས་ཏེ་དྲ་གྲོགས་ཡོངས་ལ་ཚོགས་ཆེན་གཉིས་ཀྱི་སྐད་སྒྲ་བརྒྱུད་སྤེལ་བྱ་རྒྱུ་རེད།

མི་དམངས་དྲ་བའི་གསར་འགོད་པས་ཧོ་པེ་ཞིང་ཆེན་ནས་ཡོང་བའི་གསར་འགོད་པ་ཆུང་ཆུང་ཚོགས་པ་"ཧོ་ཆིང་གསར་འགོད་པ་ཆུང་ཆུང་"ལ་མི་དམངས་དྲ་བ་ཐད་གཏོང་བྱས་ནས་ལོ་ངོ་20འཁོར་བའི་དྲན་རྟེན་མཚན་རྟགས་སྤྲོད་་པ་རེད།