༄༅།།སྔར་མཐོང་མ་མྱོང་བའི་རིག་དངོས་13000ལྷག་རྙེད་འདུག

     མི་དམངས་དྲ་བའི་འཕྲིན། ཟླ་6ཚེས་13ཉིན། སན་ཞིང་ཏུའེ་གནའ་ཤུལ་གྱི་གནའ་རྫས་རྟོག་ཞིབ་གྲུབ་འབྲས་གསར་ཤོས་ཁྱབ་བསྒྲགས་བྱས། མིག་སྔར“མཆོད་འབུལ་ས་དོང”ཨང་3པ་དང་4པའི་ཕྱི་རོལ་གྱི་སྔོག་འདོན་མཇུག་རྫོགས་ཞིང་། “མཆོད་འབུལ་ས་དོང” ཨང་5པ་དང་6པར་རིག་དངོས་སྦས་ཡོད་སའི་ནང་ལ་གཙང་སེལ་བྱེད་བཞིན་ཡོད་པ་རེད། ད་ཐེངས་ཁྱབ་བསྒྲགས་བྱས་པའི་རིག་དངོས་གཙོ་བོ“མཆོད་འབུལ་ས་དོང”ཨང་7པ་དང་8པར་གཅིག་སྡུད་བྱས་ཡོད་པ་རེད།
     ངོ་སྤྲོད་བྱས་པར་གཞིགས་ན། ས་དོང་6ནས་ཁྱོན་རིག་དངོས་ཁག་13000ལྷག་རྙེད་ཡོད་པ་རེད། དེའི་ནང་ས་དོང་ཨང་7པ་ནས་རིག་དངོས་706རྙེད་པ་དང་། དེའི་ནང་ཟངས་ཀྱི་ཡོ་ཆས་383དང་། གསེར་གྱི་ཡོ་ཆས་52། གཡང་ཊིའི་ཡོ་ཆས་140། རྡོ་ཆས་1དང་། བ་སོ་62། དེ་མིན་པ་68བཅས་ཚུད་ཡོད། ས་དོང་ཨང་8པ་ནས་རིག་དངོས་1052རྙེད་པ་དང་། དེའི་ནང་ཟངས་ཀྱི་ཡོ་ཆས་68དང་། གསེར་གྱི་ཡོ་ཆས་368། གཡང་ཊིའི་ཡོ་ཆས་205། རྡོ་ཆས་34། བ་སོ་377བཅས་ཚུད་ཡོད་པ་རེད།
     ཅུང་དཔེ་མཚོན་གྱི་རིག་དངོས་ལ་ས་དོང་ཨང་7པའི་རུས་སྦལ་ཕྱི་སྐོགས་དབྱིབས་ཀྱི་དྲ་མིག་ཅན་གྱི་ཡོ་ཆས་དང་། ཟངས་ཀྱི་རྩེ་ལ་འབྲུག་དབྱིབས་ཀྱི་རྒྱན་ཆ། ཁུང་གསུམ་ལྡན་གྱི་གཡང་ཊིའི་ཡོ་ཆས་བཅས་དང་། ས་དོང་ཨང་8པའི་ཟངས་མགོ་ལ་གསེར་གྱི་ཁ་རས་ཅན་དང་། སྦྲུལ་ལུས་ཟངས་སྐུ། ཟངས་ཀྱི་ལྷའི་ཐོ་ཡོར། ཟངས་ཀྱི་གཅན་གཟན་ཆེན་པོ། ཟངས་འབྲུག ཟངས་མི་ཡར་འགྲེང་བ་ཅན། ཟངས་མི་ཡར་འགྲེང་བ་ཅན་ལ་བ་སོ་ཡོད་པ། ཟངས་ཀྱི་ཕག་སྣ་འབྲུག་དབྱིབས་ཡོ་ཆས་སོགས་ཡོད།
【1】  【2】  【3】  【4】