༄༅།།ཀྲུང་གོའི་རུ་ཁག་ལ་གསེར་གྱི་རྟགས་མ་ཐོག་མ་ཐོབ་འདུག

     མི་དམངས་དྲ་བའི་འཕྲིན། ཚེས་6ཉིན་གྱི་དགོང་མོར་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་བྱ་དགའ་སྤྲོད་པའི་མཛད་སྒོ་ཐོག་མར་སྤེལ་ཞིང་། པེ་ཅིང་འགྲན་ཁུལ་དང་ཀྲང་ཅ་ཁོའུ་འགྲན་ཁུལ་གྱི་བྱ་དགའ་སྤྲོད་པའི་ཐང་ཆེན་དྲ་ལམ་ནས་སྦྲེལ་ཡོད་པ་རེད། པེ་ཅིང་འགྲན་ཁུལ་གྱི་བྱ་དགའ་སྤྲོད་པའི་ཐང་ཆེན་དུ་རྒྱུག་ཐུང་མགྱོགས་ཤུད་མཉམ་བསྲེས་ཚོགས་པའི་མཐུད་རྒྱུགས་ཀྱི་གཟེངས་བསྟོད་རྟགས་མ་སྤྲད་པ་དང་། ཧྥན་ཁོ་ཞིན་དང་། ཆུས་ཁྲུན་ཡུས། ཝུའུ་ཏ་ཅིན། རེན་ཙེ་ཝེ། ཀྲང་ཡུས་ཐིང་བཅས་ལས་གྲུབ་པའི་ཀྲུང་གོའི་རུ་ཁག་དགུན་དུས་ཨོ་རྩལ་འགྲན་ཚོགས་ཀྱི་བྱ་དགའ་མཐོ་ཤོས་སྟེགས་བུའི་སྟེང་བུད་པ་རེད། དགུན་དུས་ཀྱི་རྣམ་གྲངས་གཉིས་དང་། རང་མོས་རྣམ་པའི་གངས་ཤུད། མགྱོགས་སྟབས་གངས་ཤུད་དང་། མཆོང་སྟེགས་གངས་ཤུད་སོགས་རྣམ་གྲངས་ཆུང་གྲས་ཁ་ཤས་ཀྱི་གཟེངས་བསྟོད་རྟགས་མ་ཡང་དོ་དགོང་དངོས་སུ་སྤྲོད་རྒྱུ་ཡིན་པ་རེད།
     དགུན་དུས་ཨོ་རྩལ་འགྲན་ཚོགས་ཀྱི་ལུས་རྩལ་པ་རྣམས་ལ་ཤུགས་རྒྱག