༄༅།།འཕེན་བཏང་ལེགས་འགྲུབ་བྱུང་བ། 

   པེ་ཅིང་དུས་ཚོད་2021ལོའི་ཟླ་10ཚེས་24ཉིན་གྱི་ཆུ་ཚོད་9དང་སྐར་མ་27ཐོག རང་རྒྱལ་གྱིས་ཤིས་ཁྲང་སྲུང་སྐར་འཕེན་གཏོང་ལྟེ་གནས་སུ་རྒྱང་སྐྱོད་ཨང་གསུམ་པའི་སྐྱེལ་འདྲེན་མེ་ཤུགས་འཕུར་མདའ་ཁ་པ་སྤྱད་དེ། ལག་ལེན་སྲུང་སྐར་ཨང་ཉེར་གཅིག་པ་བདེ་བླག་ངང་འཕེན་ཐུབ་བྱུང་བ་རེད། སྲུང་སྐར་དེ་སྔོན་བཀོད་འཁོར་ལམ་དུ་བདེ་བླག་ངང་བསྐྱོད་ནས། འཕེན་གཏོང་ལས་འགན་ཡོངས་ལེགས་གྲུབ་བྱུང་ཡོད། ལག་ལེན་སྲུང་སྐར་ཉེར་གཅིག་པ་ནི་གཙོ་བོ་བར་སྟོང་ཧྲུག་ལྷེག་དལ་གཏོང་ལག་རྩལ་ཚོད་ལྟ་ར་སྤྲོད་ལ་སྤྱོད་རྒྱུ་རེད།