མི་དམངས་དྲ་བ།

༄༅།།ལས་ཞུགས་རྣམ་པ་གསར་བའི་ངལ་རྩོལ་པའི་ཁེ་དབང་སྲུང་སྐྱོང་བྱེད་པའི་སྲིད་ཇུས་གསར་བ་ཐོན་བྱུང་།

གསར་འགྱུར་སྤེལ་དུས། 　【2021ལོའི་ཟླ་ 08ཚེས་24ཉིན། 14:44】（རྩོམ་སྒྲིག་འགན་འཁུར་པ། རྟ་མགྲིན།）

མི་དམངས་དྲ་བའི་འཕྲིན། ཚེས་18ཉིན་འཚོགས་པའི་རྒྱལ་སྲིད་སྤྱི་ཁྱབ་ཁང་གི་སྲིད་ཇུས་རྒྱུན་ལྡན་ཚོགས་འདུའི་ཐོག་སྡེ་ཚན་མང་པོའི་འགན་འཁུར་བས་ལས་ཞུགས་རྣམ་པ་གསར་པའི་ངལ་རྩོལ་པའི་ཁེ་དབང་སྲུང་སྐྱོང་བྱེད་པའི་སྲིད་ཇུས་གསར་པ་ཆ་ཚང་ཁྱབ་བསྒྲགས་བྱས་ཏེ་དྲ་རྒྱའི་བཟའ་བཏུང་ལས་སྟེགས་ལ་སྡེབ་སྐྱེལ་དུས་བཀག་འོས་འཚམ་ངང་ལྷོད་དུ་གཏོང་བ་དང་རྩི་ཐབས་སོགས་ཀྱི་བྱ་ཐབས་ལ་བརྟེན་ནས་ངལ་རྩོལ་པའི་ལུགས་མཐུན་ཁེ་དབང་ལ་གནོད་འཚེ་གཏོང་མི་ཆོག་པའི་བླང་བྱ་བཏོན་པ་དང་། དྲ་རྒྱའི་རླངས་འཁོར་སྟེགས་བུའི་ཁེ་ལས་ཀྱིས་འཐེན་པའི་བསྡུར་ཚད་ཇེ་དམའ་རུ་བཏང་། སྲིད་ཇུས་གསར་པ་གཞིར་བཟུང་ཕྱི་ནས་ཟ་མ་སྐྱེལ་མཁན་སོགས་གླ་ཕོགས་ཆེས་དམའ་ཤོས་ཀྱི་ལམ་ལུགས་འགན་ལེན་ནང་གཞུག་པ་དང་འབྲེལ་སྲིད་གཞུང་གིས་གཙོ་ཁྲིད་བྱེད་པའི་ལས་རིགས་ཀྱི་གནོད་འཚེའི་འགན་ལེན་ཡང་ཐོབ་རྒྱུ་རེད།