༄༅།།སུང་ལེའང་འཛིན་བཟུང་བྱས། 

    མི་དམངས་དྲ་བའི་འཕྲིན། ཀན་སུའུ་ཞིང་ཆེན་ཨུ་ལྷན་གྱི་དེ་སྔའི་རྒྱུན་ཨུ་དང་ཞིང་ཆེན་སྲིད་གཞུང་གི་དེ་སྔའི་ཏང་ཙུའུ་ཧྲུའུ་ཅི་གཞོན་པ་དང་གྲོང་ཁྱེར་གྱི་འགོ་འཛིན་གཞོན་པ་སུང་ལེའང་ལ་ལྐོག་རྔན་བླངས་པའི་དོགས་གནད་ཡོད་པའི་གྱོད་གཞི་དེ་རྒྱལ་ཁབ་ལྟ་ཞིབ་ཨུ་ལྷན་གྱིས་བརྟག་དཔྱད་བྱས་ནས་མཇུག་འགྲིལ་མཐར། ཞིབ་དཔྱོད་ལས་ཁུངས་ལ་ཞིབ་བཤེར་ཞུ་གཏུག་བྱ་རྒྱུར་བསྐྱལ་བ་རེད། ཉེ་ཆར། ཆེས་མཐོའི་མི་དམངས་ཞིབ་དཔྱོད་ཁང་གིས་དེར་ལྐོག་རྔན་ལེན་པའི་ཉེས་གསོག་དོགས་གནད་ཡོད་པའི་ཐོག་ནས་སུང་ལེའང་འཛིན་བཟུང་བྱ་རྒྱུའི་གཏན་འབེབས་བྱས་པ་རེད། གྱོད་གཞི་དེ་མུ་མཐུད་ནས་ཐག་གཅོད་བྱེད་བཞིན་ཡོད།