༄༅།།མཛེས་སྡུག་ལྡན་པའི་མངའ་རིས་སྤུ་ཧྲེང་གི་གོས་རྒྱན། 

   མི་དམངས་དྲ་བའི་འཕྲིན། བོད་ལྗོངས་མངའ་རིས་ས་ཁུལ་སྤུ་ཧྲེང་རྫོང་དུ། ད་ལྟའི་བར་ཐུན་མོང་མ་ཡིན་པའི་བོད་ཀྱི་གོས་རྒྱན་ཉར་ཚགས་བྱས་ཡོད་པ་སྟེ། སྤུ་ཧྲེང་གི་གོས་རྒྱན་ཡིན། ཤེས་རྟོགས་བྱུང་བར་གཞིགས་ན། སྤུ་ཧྲེང་གི་གོས་རྒྱན་ལ་ལོ་ངོ་1000ལྷག་ཙམ་གྱི་ལོ་རྒྱུས་ལྡན་པ་དང་། དེའི་ཁྲོད་ཀྱི་ཆེས་མཛེས་ཤིང་ཐུན་མོང་མ་ཡིན་པ་ནི་བུད་མེད་ཀྱི་གོས་རྒྱན་ཡིན་ཞིང་། ལྗིད་ཚད་ལ་སྤྱི་རྒྱ་20ལྷག་ཙམ་ཡོད་པ་དང་། གསེར་དང་། དངུལ། སྤོས་ཤེལ། བྱུ་རུ། གཡུ་སོགས་ཀྱིས་རྒྱན་སྤྲས་ཡོད་པ་དང་། “ལུས་ལ་གོན་པའི་ལོ་ངོ་སྟོང་གི་ལོ་རྒྱུས”ཞེས་འབོད་སྲོལ་ཡོད། འདི་ནི་བོད་ལྗོངས་མངའ་རིས་ས་ཁུལ་སྤུ་ཧྲེང་རྫོང་འཁོར་ཆགས་གྲོང་ཚོའི་གྲོང་མིས་སྤུ་ཧྲེང་གི་གོས་རྒྱན་ངོམ་སྟོན་བྱེད་བཞིན་པ། 【1】  【2】  【3】