༄༅༎སི་ཁྲོན་ལ་ཏོག་གསར་གློ་ཚད་ནད་དཔེ་6མང་དུ་ཕྱིན་པ་དང་ནད་པ་14སྨན་ཁང་ནས་ཐོན་པ།

     མི་དམངས་དྲ་བའི་འཕྲིན། ཟླ་2ཚེས་18ཉིན་གྱི་ཆུ་ཚོད་0ནས་24བར་སི་ཁྲོན་ཞིང་ཆེན་དུ་ཏོག་དབྱིབས་ནད་དུག་གསར་པའི་གློ་ཚད་གཏན་འཁེལ་བྱས་པའི་ནད་དཔེ་6མང་དུ་ཕྱིན་པ་དང་། སྨན་ཁང་ནས་ཐོན་པའི་ནད་དཔེ་14མང་དུ་ཕྱིན་པ། དོགས་ཡོད་ནད་དཔེ་40མང་དུ་ཕྱིན་ཡོད། ཚེ་འདས་ནད་དཔེ་གསར་པ་ཐོན་མེད།     
     ནད་གཞི་གཏན་འཁེལ་གྱི་ནད་དཔེ་གསར་སྣོན་བྱས་པའི་ནང་དཀར་མཛེས་ཁུལ་གྱི་ནད་དཔེ་3དང་། ཁྲེང་ཏུའུ་གྲོང་ཁྱེར་གྱི་ནད་དཔེ་1 ལུའུ་ཀྲོའུ་གྲོང་ཁྱེར་གྱི་ནད་དཔེ་1 ཏ་ཀྲོའུ་གྲོང་ཁྱེར་གྱི་ནད་དཔེ་1བཅས་ཡོད་པ་རེད། 
     ཟླ་2ཚེས་19ཉིན་གྱི་ཆུ་ཚོད་0བར་སི་ཁྲོན་ཞིང་ཆེན་གྱིས་རིམ་རྩིས་བྱས་ན་ཏོག་དབྱིབས་ནད་དུག་གི་གློ་ཚད་གསར་པ་གཏན་འཁེལ་བྱས་པའི་ནད་དཔེ་514སྙན་ཞུ་བྱས་པ་དེ་གྲོང་ཁྱེར(རང་སྐྱོང་ཁུལ)21དང་འབྲེལ་བ་ཡོད་པ་རེད། ད་ཡོད་རིམས་ནད་ཀྱི་རྫོང་(གྲོང་ཁྱེར་དང་ཆུས་)98(ལུང་མ་ཐན་ཆུས་1ཁ་སྣོན་བརྒྱབ་པ་དང་། གཟི་ཚ་སྡེ་དགུའི་རྫོང་དང་། བརྒྱད་ཟིལ་རྫོང་། ཉག་རོང་རྫོང་། མེན་ཉིང་རྫོང་བཅས་4ཉུང་དུ་བཏང་ཡོད། ) 
     ནད་གཞི་གཏན་འཁེལ་བྱས་པའི་ནད་པ་514ཡི་ཁྲོད་སྨན་ཁང་དུ་བསྡད་དེ་ལོགས་སུ་བཀར་ནས་སྨན་བཅོས་བྱེད་བཞིན་པའི་མི་334(དེའི་ནང་སྲོག་ཉེན་ཡོད་མཁན་17ཡོད)ཡོད་པ་དང་། སྨན་ཁང་ནས་ཐོན་མཁན་177དང་། མི་3ཚེ་ལས་འདས་པ་རེད།     
     ད་ལྟ་དོགས་ཡོད་ནད་དཔེ་130ཡོད།     
     ཉིན་དེར་མི་574ལ་གསོ་རིག་ལྟ་ཞིབ་མེད་པར་བཟོས་པ་དང་། ད་ཆ་མི་2768ཀྱིས་གསོ་རིག་ལྟ་ཞིབ་དང་ལེན་བྱེད་བཞིན་ཡོད་པ་རེད།