༄༅༎ད་ལོའི་བོད་ཀྱི་ལོ་གསར་གྱི་ངལ་གསོའི་སྐོར་གྱི་བརྡ་ཐོ།

　　2020ལོའི་བོད་ཀྱི་ལོ་གསར་གྱི་ངལ་གསོ་འཇོག་པའི་སྐོར་གྱི་ལྷ་ས་གྲོང་ཁྱེར་མི་དམངས་སྲིད་གཞུང་གཞུང་དོན་ཁང་གི་བརྡ་ཐོ།
　　གྲོང་ཁྱེར་དུ་བཅའ་སྡོད་ཚན་པ་ཁག་ལ།
　　《རྒྱལ་ཡོངས་ཀྱི་ལོ་གསར་དང་། དུས་ཆེན། དྲན་གསོའི་ཉིན་མོར་ངལ་གསོ་འཇོག་པའི་སྐོར་གྱི་རྒྱལ་སྲིད་སྤྱི་ཁྱབ་ཁང་གི་བྱ་ཐབས》ཀྱི་གཏན་འབེབས་ཀྱི“གྲངས་ཉུང་མི་རིགས་ཀྱི་སྲོལ་རྒྱུན་དུས་ཆེན་ནི་གྲངས་ཉུང་མི་རིགས་འདུས་སྡོད་ས་ཁུལ་ཁག་གི་ས་གནས་མི་དམངས་སྲིད་གཞུང་གིས་མི་རིགས་སོ་སོའི་གོམས་སྲོལ་ལྟར་ངལ་གསོའི་དུས་ཚོད་གཏན་འཁེལ་བྱེད་དགོས”པའི་དགོངས་དོན་ལྟར། རང་སྐྱོང་ལྗོངས་མི་དམངས་སྲིད་གཞུང་ལ་སྙན་སེང་ཞུས་ནས་མོས་མཐུན་བྱུང་རྗེས། ད་ལྟ་2020ལོའི་བོད་ཀྱི་ལོ་གསར་གྱི་ངལ་གསོའི་དུས་ཚོད་བརྡ་ཐོ་གཏོང་རྒྱུ་གཤམ་གསལ།
　　2020ལོའི་བོད་ཀྱི་ལོ་གསར་ལ་ངལ་གསོ་ཉིན་7འཇོག་རྒྱུ་ཡིན་ཞིང་། དེ་ཡང་། ཟླ་2ཚེས་23ཉིན་ནས་ཟླ་2ཚེས་29ཉིན་བར་རེད། ཟླ་2ཚེས་22ཉིན(གཟའ་སྤེན་པ)དང་ཟླ་3ཚེས་1ཉིན(གཟའ་ཉི་མ)ལ་རྒྱུན་གཏན་ལྟར་ལས་ཀར་འགྲོ་དགོས།
　　ཚན་པ་ཁག་གིས་ལས་རེས་དང་བདེ་སྲུང་སོགས་ཀྱི་ལས་དོན་བཀོད་སྒྲིག་ཡག་པོ་བྱེད་དགོས། ཐོལ་བྱུང་དོན་རྐྱེན་ཚབས་ཆེན་འཕྲད་ཚེ། གཏན་འབེབས་ལྟར་དུས་ཐོག་ཏུ་སྙན་སེང་ཞུ་བ་དང་འབྲེལ་ཐག་གཅོད་འོས་འཚམ་བྱས་ཏེ། མི་དམངས་མང་ཚོགས་ཀྱིས་ཞི་མཐུན་དང་དུས་བདེའི་དུས་ཆེན་གཏོང་བར་འགན་ལེན་བྱེད་དགོས།
　　བརྡ་ཐོ་འདི་ཆེད་དུ་བཏང་བ་ཡིན།
　　ལྷ་ས་གྲོང་ཁྱེར་མི་དམངས་སྲིད་གཞུང་གཞུང་དོན་ཁང་ནས།
　　2020ལོའི་ཟླ་2ཚེས་19ཉིན