༄༅༎སི་ཁྲོན་དུ་ནད་དཔེ་23གསར་དུ་འཕར་ཏེ། བསྡོམས་པས་ནད་དཔེ་386བྱུང་ཡོད།

     མི་དམངས་དྲ་བའི་འཕྲིན། གསར་འགོད་པས་སི་ཁྲོན་ཞིང་ཆེན་འཕྲོད་བསྟེན་བདེ་ཐང་ཨུ་ལྷན་ནས་ཤེས་རྟོགས་བྱས་པར་གཞིགས་ན། ཟླ་2ཚེས་8ཉིན་གྱི་ཆུ་ཚོད་0ནས་24ཡི་བར་སི་ཁྲོན་ཞིང་ཆེན་གྱི་ཏོག་དབྱིབས་ནད་དུག་གསར་པའི་གློ་ཚད་ཀྱི་ནད་གཞི་གཏན་འཁེལ་བྱས་པའི་ནད་དཔེ་23མང་དུ་ཕྱིན་པ་དང་། སྨན་ཁང་ནས་ཐོན་པའི་ནད་དཔེ་10མང་དུ་ཕྱིན་པ། ཚེ་འདས་ནད་དཔེ་གསར་པ་ཐོན་མེད་པ་བཅས་རེད།     
     ནད་གཞི་གཏན་འཁེལ་བྱས་པའི་ནང་ཁྲེང་ཏུའུ་གྲོང་ཁྱེར་གྱི་ནད་དཔེ་11དང་། ལུའུ་ཀྲོའུ་གྲོང་ཁྱེར་གྱི་ནད་དཔེ་3 ཏེ་དབྱང་གྲོང་ཁྱེར་གྱི་ནད་དཔེ་3 སུའེ་ཉིང་གྲོང་ཁྱེར་གྱི་ནད་དཔེ་2 ཕན་ཀྲི་ཧྭ་གྲོང་ཁྱེར་གྱི་ནད་དཔེ་1 ནན་ཁྲུང་གྲོང་ཁྱེར་གྱི་ནད་དཔེ་1 མེ་ཧྲན་གྲོང་ཁྱེར་གྱི་ནད་དཔེ་1 ཙི་དབྱང་གྲོང་ཁྱེར་གྱི་ནད་དཔེ་1བཅས་ཡོད་པ་རེད།
     དྲག་སྐྱེད་བྱུང་ནས་སྨན་ཁང་ནས་ཐོན་པའི་ནད་པའི་ཁྲོད་ཁྲེང་ཏུའུ་གྲོང་ཁྱེར་གྱི་ནད་དཔེ་5དང་། ལུའུ་ཀྲོའུ་གྲོང་ཁྱེར་གྱི་ནད་དཔེ་2 མེན་དབྱང་གྲོང་ཁྱེར་གྱི་ནད་དཔེ་1 ནེ་ཅང་གྲོང་ཁྱེར་གྱི་ནད་དཔེ་1 ཏ་ཀྲོའུ་གྲོང་ཁྱེར་གྱི་ནད་དཔེ་1བཅས་ཡོད་པ་རེད།
     ཟླ་2ཚེས་8ཉིན་གྱི་ཆུ་ཚོད་24བར་སི་ཁྲོན་ཞིང་ཆེན་དུ་རིམ་རྩིས་བྱས་ན་ཏོག་དབྱིབས་ནད་དུག་གསར་པའི་གློ་ཚད་ཀྱི་ནད་གཞི་གཏན་འཁེལ་བྱས་པའི་ནད་དཔེ་386བྱུང་ཡོད་ཅིང་། དེ་གྲོང་ཁྱེར(ཁུལ)21དང་རྫོང(གྲོང་ཁྱེར་དང་ཆུས)122དང་འབྲེལ་བ་ཡོད་པ་རེད།     ནད་གཞི་གཏན་འཁེལ་བྱུང་བའི་ནད་པ་386ཁྲོད་སྨན་ཁང་དུ་བསྡད་དེ་ལོགས་སུ་བཀར་ནས་སྨན་བཅོས་བྱེད་བཞིན་པའི་མི་325(དེའི་ནང་ནད་གཞི་ཚབས་ཆེ་བའི་མི་21ཡོད)ཡོད་པ་དང་སྨན་ཁང་ནས་ཐོན་མཁན་60དང་ཚེ་འདས་མི་1བཅས་ཡོད། 
     ཉིན་དེར་མི་1641ལ་གསོ་རིག་གི་ལྟ་ཞིབ་མེད་པར་བཟོས་པ་དང་ད་ཆ་མི་7298ཀྱིས་གསོ་རིག་གི་ལྟ་ཞིབ་དང་ལེན་བྱེད་བཞིན་ཡོད་པ་རེད།