མི་དམངས་དྲ་བ།

༄༅།།ཧུའུ་ཧོ་ཧའོ་ཐེར་རིག་ནུས་“ ཁོར་ཡུག་གཙང་སྦྲའི་བཟོ་པ་＂ལས་གནས་སུ་ཞུགས་པ།

གསར་འགྱུར་སྤེལ་དུས། 　【2019ལོའི་ཟླ་ 11ཚེས་21ཉིན། 13:34】（རྩོམ་སྒྲིག་འགན་འཁུར་པ། མཁའ་འགྲོ།）

མི་དམངས་དྲ་བའི་འཕྲིན། ཉེ་ཆར། ནང་སོག་རང་སྐྱོང་ལྗོངས་ཧུའུ་ཧོ་ཧའོ་ཐེ་གྲོང་ཁྱེར་གཡུས་ཆོན་ཁུལ་གྱི་ཁོར་ཡུག་གཙང་སྦྲ་ཅུས་ཀྱིས་＂དམིགས་གསལ་གྱི་ལས་མི་＂ཞིག་བསུས་པ་སྟེ། རིག་ནུས་གཙང་སྦྲའི་འཕྲུལ་ཆས་དེ་རེད། དེས་གཡུས་ཆོན་ཁུལ་གྱི་རྒྱ་ཁྱོན་ལ་སྨི་ངོས་གྲུ་ཁྲི་གཅིག་ལྷག་ཙམ་ཡོད་པའི་ཏ་ཀྲའོ་ཐང་ཆེན་གྱི་གཙང་སྦྲའི་འགན་འཁུར་བ་དང། དེ་སྐྱོད་སའི་ལམ་བུ་ནི་གློག་ཀླད་ཀྱིས་ཇུས་འགོད་བྱས་པ་དང་། འགྲོ་སྐྱེད་བྱེད་སྐབས་བཀག་རྡོ་འཕྲད་ཚེ་དེས་རང་འགུལ་ངང་བསྐོར་ནས་འགྲོ་ཡི་ཡོད་པ་རེད། འདི་ནི་ཟླ་11ཚེས་20ཉིན། རིག་ནུས་གཙང་སྦྲ་བྱེད་མཁན་འཕྲུལ་ཆས་ཀྱིས་ཧུའུ་ཧོ་ཧའོ་ཐེ་གྲོང་ཁྱེར་གྱི་ཏ་ཀྲའོ་ཐང་ཆེན་དུ་ལམ་ངོས་སུ་གཙང་སྦྲ་བྱེད་བཞིན་པ།