༄༅༎ཀེ་རི་སེར་རྒྱལ་དོན་འཚམས་འདྲི་གནང་རྗེས། ཞི་ཅིན་ཕིང་པ་ཞི་ལི་ཡར་ཕེབས་འབྱོར་ཟིན་ནས་འབོ་གསེར་
རྒྱལ་ཁབ་ཀྱི་འགོ་ཁྲིད་མི་སྣའི་མཇལ་འཛོམས་ཐེངས་བཅུ་གཅིག་པར་ཞུགས་པ།

ས་གནས་དེ་གའི་དུས་ཚོད་ཟླ་11ཚེས་12ཉིན་གྱི་དགོང་མོ། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཆེད་གཏོང་གནམ་གྲུར་བཞུགས་ཏེ་པ་ཞི་ལི་ཡར་ཕེབས་འབྱོར་ཟིན་ནས་འབོ་གསེར་རྒྱལ་ཁབ་ཀྱི་འགོ་ཁྲིད་མི་སྣའི་མཇལ་འཛོམས་ཐེངས་བཅུ་གཅིག་པར་ཞུགས་ཤིང་། འདི་ནི་ཞི་ཅིན་ཕིང་དང་སྐུ་ཟླ་ཕེང་ལི་ཡོན་རྣམ་གཉིས་གནམ་གྲུ་ནས་བབས་སྐབས། པར་ཙིར་སྲིད་གཞུང་གི་མཐོ་རིམ་དཔོན་རིགས་ཀྱིས་གནམ་གྲུའི་སྐས་འཛེག་འགྲམ་དུ་ཕེབས་བསུ་ཞུ་བའི་གནས་ཚུལ་ཡིན་པ།

     ཤིན་ཧྭ་གསར་འགྱུར་ཁང་གྲོང་ཁྱེར་པ་ཞི་ལི་ཡ་ནས་ཟླ་11ཚེས་12ཉིན་གློག་འཕྲིན་འབྱོར་གསལ། ས་གནས་དེ་གའི་དུས་ཚོད་ཟླ་11ཚེས་12ཉིན་གྱི་དགོང་མོ། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཆེད་གཏོང་གནམ་གྲུར་བཞུགས་ཏེ་པ་ཞི་ལི་ཡར་ཕེབས་འབྱོར་ཟིན་ནས་འབོ་གསེར་རྒྱལ་ཁབ་ཀྱི་འགོ་ཁྲིད་མི་སྣའི་མཇལ་འཛོམས་ཐེངས་བཅུ་གཅིག་པར་ཞུགས་པ་རེད།
     ཞི་ཅིན་ཕིང་དང་སྐུ་ཟླ་ཕེང་ལི་ཡོན་རྣམ་གཉིས་གནམ་གྲུ་ནས་བབས་སྐབས་པར་ཙིར་སྲིད་གཞུང་གི་མཐོ་རིམ་དཔོན་རིགས་ཀྱིས་གནམ་གྲུའི་སྐས་འཛེག་འགྲམ་དུ་ཕེབས་བསུར་བཅར་ཡོད། པར་ཙིར་མཁའ་དམག་རྟེན་གཞིའི་དམག་སྤྱིས་ཞི་ཅིན་ཕིང་སྟངས་དཔྱལ་ལ་གུས་འདུད་ཞུས་པ་དང་། མཁའ་དམག་གི་དུང་གཏོང་མཁན་གྱིས་དུང་བཏང་ནས་གུས་འདུད་ཞུས་པ། གུས་དམག་ས་གདན་དམར་པོའི་གཡས་གཡོན་དུ་རུ་སྟར་བསྒྲིགས་ནས་གུས་འདུད་མཚོན་པར་བྱས།
     ཏིང་ཤུའེ་ཞང་དང་། དབྱང་ཅེ་ཁྲེ། ཝང་དབྱི། ཧོ་ལི་ཧྥུང་སོགས་གནམ་གྲུ་གཅིག་གི་ནང་ལྷན་དུ་ཡོད་པ་རེད།
     པར་ཙིར་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་དབྱང་དབན་མིང་ཡང་གནམ་ཐང་དུ་ཕེབས་བསུ་ཞུ་བར་བཅར་ཡོད།
     ཞི་ཅིན་ཕིང་གིས་ཀེ་རི་སེར་རྒྱལ་དོན་འཚམས་འདྲི་གནང་རྗེས་པ་ཞི་ལི་ཡར་ཕེབས་འབྱོར་ཟིན་པ་དང་། ཨ་ཐེན་སི་ནས་ཐོན་སྐབས་ཀེ་རི་སེའི་ཕྱི་འབྲེལ་པུའུ་ཀྲང་ཏེང་ཏི་ཡ་སིས་གནམ་ཐང་དུ་ཕེབས་སྐྱེལ་ཞུ་བར་བཅར་ཡོད།