༄༅༎ཝུའུ་ཧན་གྱི་དམག་མིའི་ལུས་རྩལ་འགྲན་ཚོགས་ཀྱི་ལུས་རྩལ་པའི་གྲོང་ཚོའི་ཟུར་བཀོད།

     མི་དམངས་དྲ་བའི་འཕྲིན། སྐབས་བདུན་པའི་འཛམ་གླིང་གི་དམག་མིའི་ལུས་རྩལ་འགྲན་ཚོགས་དེ་ཟླ་10ཚེས་18ཉིན་དངོས་སུ་འགོ་ཚུགས་རྒྱུ་ཡིན་པ་དང་འཐུས་མི་ཚོགས་པ་ཁག་གཅིག་རྗེས་གཉིས་མཐུད་ངང་དམག་མིའི་ལུས་རྩལ་འགྲན་ཚོགས་ཀྱི་ལུས་རྩལ་པའི་གྲོང་ཚོར་བཅའ་སྡོད་བྱས་ཟིན། ཚེས་16ཉིན་གསར་འགོད་པས་དམག་མིའི་ལུས་རྩལ་འགྲན་ཚོགས་ཀྱི་ལུས་རྩལ་པའི་གྲོང་ཚོར་བཅར་འདྲི་བྱས་པ་ཡིན། གྲོང་ཚོའི་ནང་གི་སྨན་བཅོས་འཕྲོད་བསྟེན་ཞབས་ཞུ་ལྟེ་གནས་དང་། ལུས་སྦྱོང་ལྟེ་གནས། ཚོང་ལས་ཞབས་ཞུའི་ཁྲོམ་གཞུང་སོགས་གང་དགོས་ཚང་མ་འཛོམས་ཡོད་པས་གནས་སྡོད་ལུས་རྩལ་པར་ཕྱོགས་ཡོངས་ཀྱི་ཞབས་ཞུ་མཁོ་འདོན་བྱེད་ཀྱི་ཡོད། རྒྱལ་ཁབ་ཁག་གི་ལུས་རྩལ་པ་ཚོས་དངོས་སུ་འགྲན་བསྡུར་མ་བྱས་གོང་གི་དུས་ཚོད་སྤྱད་ནས་སྦྱོང་བརྡར་བྱས་ཏེ་གཟུགས་པོའི་རྣམ་པ་རྒྱུན་འཁྱོངས་ཡོང་བ་བྱེད་ཀྱི་ཡོད། 【1】  【2】  【3】