༄༅༎《ལོ་རྒྱུས་ཀྱི་དཔང་པོ》ཞེས་པའི་རིག་དངོས་འགྲེམས་སྟོན་ཕོ་བྲང་པོ་ཏ་ལའི་གཅེས་ནོར་ཁང་དུ་སྤེལ་བ།

     ཟླ་10ཚེས་5ཉིན་ཡུལ་སྐོར་བ་ཞིག་གིས་རིག་དངོས་འགྲེམས་སྟོན་ལ་ལྟ་བཞིན་ཡོད།
     མི་དམངས་དྲ་བའི་འཕྲིན། རྒྱལ་སྟོན་རིང་ལྷ་སའི་ཕོ་བྲང་པོ་ཏ་ལའི་གཅེས་ནོར་ཁང་གི《ལོ་རྒྱུས་ཀྱི་དཔང་པོ》ཞེས་པའི་རིག་དངོས་འགྲེམས་སྟོན་གྱིས་ཡུལ་སྐོར་བ་མང་པོའི་ཡིད་དབང་བཀུག་ཡོད། ད་ཐེངས་ཀྱི་འགྲེམས་སྟོན་དེ་ཟླ་9ཚེས་26ཉིན་སྤེལ་འགོ་ཚུགས་ཤིང་། ལྷ་སའི་ཕོ་བྲང་པོ་ཏ་ལ་དང་། བོད་ལྗོངས་རྟེན་རྫས་བཤམས་མཛོད་ཁང་། ནོར་བུ་གླིང་ཁ། བོད་རང་སྐྱོང་ལྗོངས་རིག་དངོས་སྲུང་སྐྱོང་ཞིབ་འཇུག་ཁང་སོགས་སྡེ་ཚན་ནས་བོད་ཀྱི་ལོ་རྒྱུས་དུས་སྐབས་མི་འདྲ་བའི་ནང་ཚབ་མཚོན་རང་བཞིན་ཆེ་ཤོས་ལྡན་པའི་རྒྱལ་ཁབ་རིམ་པའི་རིག་དངོས་བདུན་དང་རིག་དངོས་རྩ་ཆེན་ཉིས་བརྒྱ་ལྷག་བདམས་ནས་གཅིག་བསྡུས་སུ་འགྲེམས་སྟོན་བྱས་པ་རེད། 【1】  【2】