༄༅༎“ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བར་རྟེན་འབྲེལ་ཞུ་བའི་གློག་འོད་ཀྱི་ངོམ་སྟོན་ཆེ་གྲས”ཨའོ་མོན་དུ་སྤེལ་བ།

     མི་དམངས་དྲ་བའི་འཕྲིན། ཟླ་9ཚེས་30ཉིན། ཨའོ་མོན་དམིགས་བསལ་སྲིད་འཛིན་ཁུལ་སྲིད་གཞུང་གི་ཡུལ་སྐོར་ཅུས་ཀྱིས་གཙོ་གཉེར་བྱས་པའི“ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བར་རྟེན་འབྲེལ་ཞུ་བའི་གློག་འོད་ཀྱི་ངོམ་སྟོན་ཆེ་གྲས”ཨའོ་མོན་གྱི་མཚོན་རྟགས་རང་བཞིན་གྱི་སྐྲུན་དངོས་ཏ་སན་པཱ་ཕད་ཧྥང་དུ་ངོམ་སྟོན་བྱས་པ་རེད། གློག་འོད་ཀྱི་ངོམ་སྟོན་དེ་ཏ་སན་པཱ་ཕད་ཧྥང་བརྙན་ཡོལ་དུ་བྱས་ནས་གློག་འོད་ཀྱིས“ཀྲུང་གོ་གསར་པ་དབུ་བརྙེས་ནས་ལོ་ངོ་70འཁོར་བའི་འཁྲུངས་སྐར་ལ་མཉམ་དུ་རྟེན་འབྲེལ་ཞུ་བ་དང་རླབས་ཆེན་གྱི་གཟི་འོད་མཉམ་དུ་སྤྱོད”ཅེས་པའི་བརྗོད་དོན་གཙོ་བོ་མཚོན་པར་བྱས་པ་རེད། གློག་འོད་ངོམ་སྟོན་བྱེད་ཡུལ་དངོས་ལ་གློག་འོད་ཀྱི་བཀྲག་མདངས་འཚེར་བ་དང་ཨའོ་མོན་གྱི་སྤྱི་ཚོགས་ཀྱིས་རྒྱལ་སྟོན་དུས་ཆེན་བསུ་བའི་རྣམ་པ་རེ་རེ་བཞིན་མངོན་ནས་ཨའོ་མོན་གྱི་དམངས་ཚོགས་ཀྱིས་མེས་རྒྱལ་ལ་དགའ་ཞེན་དང་རྒྱལ་ཁབ་ལ་སྨོན་འདུན་བཟང་པོ་ཞུ་ལུགས་མཚོན་པར་བྱས་ཡོད།