༄༅༎མཐའ་མཚམས་མི་སེར་སྡོད་ཁང་གསར་པར་སྤོས་པ།

     མི་དམངས་དྲ་བའི་འཕྲིན། ཟླ་9ཚེས་21ཉིན། བོད་ལྗོངས་ལྷོ་ཁ་གྲོང་ཁྱེར་ལྷོ་བྲག་རྫོང་ལྷོ་བྲག་གྲོང་རྡལ་དུ། ཚེ་སྨད་གྲོང་ལྷན་གྱི་དུད་ཚང་28ཀྱི་གྲོང་མི་88ཀྱིས་ཚེ་སྨད་སྡེ་ཁུལ་གྱི་མཐའ་མཚམས་འབྱོར་འབྲིང་གྲོང་ཚོའི་བརྩེགས་གཉིས་ཅན་གྱི་བོད་བཟོའི་སྡོད་ཁང་གསར་པའི་ལྡེ་མིག་རག་པས། སྡོད་ཁང་གི་ཆ་རྐྱེན་ལེགས་སུ་ཤུགས་ཆེན་བཏང་ཡོད། མི་རེར་ཆ་སྙོམས་སྨི་ངོས་གྲུ་40ཡི་ཚད་གཞི་གཞིར་བཟུང་འཛུགས་སྐྲུན་བྱས་པའི་ཚེ་སྨད་སྡེ་ཁུལ་གྱི་མཐའ་མཚམས་འབྱོར་འབྲིང་གྲོང་ཚོའི་འཛུགས་སྐྲུན་རྒྱ་ཁྱོན་སྨི་ངོས་གྲུ་3824.08ཟིན་པ་དང་། ལས་གྲྭའི་འགྲོ་གྲོན་སྒོར་ཁྲི་1546.15ལྷག་ཟིན་ཡོད། མི་རེའི་ཆ་སྙོམས་གྲབས་གསོག་མ་དངུལ་སྒོར་ཁྲི་2.4ཕུད་སྡོད་ཁང་གསར་པའི་འགྲོ་གྲོན་གཞན་དག་ཚང་མ་སྲིད་གཞུང་གིས་རོགས་སྐྱོར་བྱས་པ་རེད། 【1】  【2】  【3】  【4】  【5】