༄༅༎གཟའ་འཁོར་གཅིག་རིང་གི་རྒྱལ་སྤྱིའི་གསར་འགྱུར།

     མི་དམངས་དྲ་བའི་འཕྲིན། ཚེས་9ཉིན། རྒྱལ་སྤྱིའི་དངུལ་ལོར་ཐེབས་རྩ་རྩ་འཛུགས་(IMF)ཀྱིས་ཀྲུང་གོའི་ལོ་འཁོར་གྱི་དོན་ཚན་བཞི་པའི་གྲོས་མོལ་སྙན་ཞུ་ཡོངས་བསྒྲགས་བྱས་ནས། 2018ལོར་ཀྲུང་གོའི་དུས་རྒྱུན་ཐོ་ཁོངས་ཀྱི་གཏོང་མང་ཡོང་ཉུང་གི་ཧེ་བག་ཆག་པ་དང་། མི་དམངས་ཤོག་སྒོར་གྱི་དངུལ་བརྗེས་འཛའ་ཐང་གི་ཆུ་ཚད་དེ་དཔལ་འབྱོར་གྱི་གཞི་རྩའི་གནས་ཚུལ་དང་གཞི་རྩའི་ཆ་ནས་མཐུན་ཡོད་ཅེས་བསྐྱར་བསྒྲགས་བྱས་པ་རེད། ཨ་རིའི་རིགས་གཅིག་མཁས་ཅན་མང་པོ་ཞིག་གིས་ཤིན་ཧྭ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས། སྙན་ཞུ་དེའི་ཐོག་ནས་ཀྲུང་གོས“དངུལ་བརྗེས་འཛའ་ཐང་ཁ་ལོ་བསྒྱུར་”མེད་པ་ར་སྤྲོད་བྱུང་ཡོད་ཅེས་བརྗོད། ཨ་རི་ཕྱོགས་ཀྱི་འབྲེལ་ཡོད་སྐྱོན་འཛུགས་ལ་གཞི་འཛིན་ས་གཏན་ནས་མེད་པས་ཁུངས་འཁྱོལ་མི་ཐུབ་ཅེས་བརྗོད་པ་རེད། 【1】  【2】  【3】  【4】  【5】  【6】