༄༅༎གཟའ་འཁོར་གཅིག་རིང་གི་རྒྱལ་སྤྱིའི་གསར་འགྱུར།
གསར་འགྱུར་སྤེལ་དུས། 【2019ལོའི་ཟླ་ 08ཚེས་05ཉིན། 14:00】 (རྩོམ་སྒྲིག་འགན་འཁུར་པ། ཚེ་རིང་།)
མཚོ་ནང་དུ་གྲུ་གཏོང་བ། ཟླ་8ཚེས་2ཉིན། རྒྱ་གར་གྱིས་ཚོད་འཛིན་བྱས་པའི་ཀ་སྨིར་ལྟེ་བའི་གྲོང་ཁྱེར་སི་ལི་ནཱ་ཅ་རུ། མི་རྣམས་ཀྱིས་དར་མཚོའི་ནང་དུ་གྲུ་གཏོང་བཞིན་ཡོད། དར་མཚོ་ནི་རྒྱ་གར་གྱིས་ཚོད་འཛིན་བྱེད་པའི་ཀ་སྨིར་གྱི་དབྱར་དུས་ཀྱི་ལྟེ་བའི་གྲོང་ཁྱེར་སི་ལི་ནཱ་ཅ་གྲོང་ཁྱེར་གྱི་མཚོ་ཆེ་ཤོས་དེ་རེད། རང་བྱུང་ཁོར་ཡུག་གི་དབང་གིས་ས་གནས་དེ་གའི་ཡུལ་མི་ཚོ་མཚོ་ནང་དུ་སྐྱོད་ཅིང་མཚོ་འགྲམ་དུ་འཚོ་བའི་ཐུན་མོང་མ་ཡིན་པའི་འཚོ་བ་སྐྱེལ་སྟངས་ཆགས་ཡོད།
|
གདུགས་མཆོང་འཁྲབ་སྟོན། ཟླ་8ཚེས་3ཉིན་སིང་ཀ་ཕོར་དྲག་ཆས་དཔུང་སྡེའི་སེང་གེ་དམར་པོའི་རུ་ཁག་གི་གདུགས་མཆོང་པ་སིང་ཀ་ཕོར་གྱི་རྒྱལ་སྟོན་མཛད་སྒོའི་འཁྲབ་སྦྱོང་ནང་ཞུགས་པ་རེད། སིང་ཀ་ཕོར་གྱི་རྒྱལ་སྟོན་མཛད་སྒོ་ཟླ་8ཚེས་9ཉིན་སྤེལ་རྒྱུ་རེད། |