མི་དམངས་དྲ་བ།

༄༅།།ཏང་བཙུགས་ནས་ལོ་98འཁོར་བར་རྟེན་འབྲེལ་ཞུ་བའི་གསར་བརྗེའི་བརྗོད་དོན་གཙོ་བོའི་སློབ་
གསོ་འགྲེམས་སྟོན་ལྷ་སར་འགོ་ཚུགས་པ།

གསར་འགྱུར་སྤེལ་དུས། 　【2019ལོའི་ཟླ་ 07ཚེས་02ཉིན། 13:28】（རྩོམ་སྒྲིག་འགན་འཁུར་པ། མཁའ་འགྲོ།）

མི་དམངས་དྲ་བའི་འཕྲིན། ཟླ་7ཚེས་1ཉིན། ཀྲུང་གོ་གུང་ཁྲན་ཏང་བཙུགས་ནས་ལོ་98འཁོར་བར་བསུ་བ་ཞུ་ཆེད་“ཐོག་མའི་བསམ་འདུན་མི་བརྗེད་པར། འགན་ཁྲི་བློ་ལ་བརྟན་པོར་འཆང་”ཞེས་པའི་ཅིན་ཀང་རི་བོའི་སྙིང་སྟོབས་ཀྱི་བརྗོད་དོན་གཙོ་བོའི་སློབ་གསོ་འགྲེམས་སྟོན་དེ་ལྷ་ས་གྲོང་ཁྱེར་གྱི་ཧི་མ་ལ་ཡ་རིག་གནས་སྤེལ་རེས་ལྟེ་གནས་སུ་སྤེལ་འགོ་ཚུགས་པ་རེད།
ཤེས་རྟོགས་བྱུང་བར་གཞིགས་ན། འགྲེམས་སྟོན་འདི་བོད་ལྗོངས་ཧུང་ཅི་ཚོགས་པའི་ཏང་ཨུད་ཀྱིས་ཅིན་ཀང་རི་བོའི་གསར་བརྗེའི་རྟེན་རྫས་བཤམས་མཛོད་ཁང་དང་མཉམ་འབྲེལ་ཐོག་གཉེར་བ་ཞིག་ཡིན་པ་དང་། ཕུན་སུམ་ཚོགས་པའི་ལོ་རྒྱུས་ཡིག་ཆ་དང་ཡིག་ཚགས་བརྒྱུད། ཅིན་ཀང་རི་བོའི་དུས་སྐབས་ཀྱི་གསར་བརྗེའི་ལོ་རྒྱུས་སླར་ཡང་མངོན་པར་བྱས་ཡོད། འགྲེམས་སྟོན་འདི་དུས་ཡུན་ཟླ་བ་གཅིག་བྱ་རྒྱུ་ཡིན་པ་རེད། 【1】【2】